Ármann fór illa með ÍA og heldur í við toppliðið

ÍA hóf leikinn í vörn, en leikurinn fór fram á Overpass. ÍA hóf leikinn með sigri í skammbyssulotunni eftir tæpa aftengingu á B-svæði Overpass. Ármann sigraði sína fyrstu lotu í þriðju tilraun, en ÍA náði ekki að aftengja sprengjuna eftir að fella alla leikmenn Ármanns. Ármann fór þá að færa sig upp á skaftið og jöfnaði leikinn í 2-2 í fjórðu lotu.

Sókn Ármanns tók fyrri hálfleikinn traustum tökum og sprengjan rataði niður lotu eftir lotu. ÍA var nálægt því að taka sjöundu lotu en Ofvirkur, leikmaður Ármanns, spreyjaði blýi yfir mótherja sína með skammbyssu og rétt tókst að stöðva þá frá að aftengja sprengjuna. ÍA náði sér ekki á strik í fyrri hálfleik þar sem Ármann réði öllum ríkjum.

Staðan í hálfleik: 4-11

ÍA hafði ekki ýkja stórt verkefni fyrir höndum í seinni hálfleik þar sem Ármann þurfti aðeins fim lotusigra til að vinna viðureignina. Þeir fundu þó engar lausnir í sóknarstöðunni þar sem vörn Ármanns hafði svör við öllum spilum ÍA-manna. Ármann sigraði allar lotur seinni hálfleiks og tók þægilegan sigur.

Lokatölur: 4-16

Leikmenn Ármanns halda uppteknum hætti og tryggja sig í öðru sæti í bili með átta stig, aðeins tveimur stigum á eftir NOCCO Dusty. ÍA-menn sitja í fimmta sæti deildarinnar með fjögur stig og munu því þurfa að heyja baráttu á miðri töflu í komandi umferðum