Þórey Anna með sjö mörk í öruggum sigri Vals

Fyrir leikinn var Valur með fullt hús stiga á meðan ÍR var með fjögur stig eftir þrjá leiki og vann til að mynda KA/Þór síðustu helgi.

Íslandsmeistararnir sýndu yfirburði sína strax í upphafi leiks og voru því með forystuna allan leikinn. 

Þórey Anna Ásgeirsdóttir átti enn og aftur frábæran leik í liði Vals en hún skoraði sjö mörk. Næst markahæst var Ásdís Þóra Ásgeirsdóttir með fimm mörk og á eftir henni var Thea Imani Sturludóttir með fjögur.

Markahæstar hjá ÍR voru þær Karen Tinna Demian og Matthildur Lilja Jónsdóttir, báðar með sex mörk.

Eftir leikinn er Valur með átta stig í efsta sæti deildarinnar á meðan ÍR er með fjögur stig í fimmta sætinu.