Samherjar Sanchos hafa enga samúð með honum

Eftir að hafa verið utan hóps gegn Arsenal og gagnrýndur af knattspyrnustjóranum Erik ten Hag fyrir að standa sig ekki nógu vel á æfingum tók Sancho til varna á Twitter. Hann sagðist vera gerður að blóraböggli og ekki fengið sanngjarna meðferð.

Samkvæmt frétt ESPN standa leikmenn United ekki með Sancho í deilunni við Ten Hag og eru auk þess orðnir þreyttir á honum.

Sancho hefur engan veginn staðið undir væntingum hjá United eftir að hann var keyptur dýrum dómi frá Borussia Dortmund.

Samkvæmt fréttum á Englandi var United tilbúið að leyfa Sancho að fara á láni til Sádi-Arabíu en ekkert varð af því.

United hefur unnið tvo af fyrstu fjórum leikjum sínum í ensku úrvalsdeildinni og tapað tveimur.