Viktor Gísli átti vörslu ársins í Meistaradeildinni

Evrópska handknattleikssambandið birti myndband af tíu flottustu vörslum síðasta tímabils á Twitter í gær. Varsla Viktors Gísla í leik Nantes og Kiel var í 1. sæti.

Patrik Wiencek, línumaður Kiel, reyndi þá að vippa yfir Viktor Gísla en landsliðsmarkvörðurinn sá við honum og blakaði boltanum í burtu.

Tíu bestu vörslur síðasta tímabils í Meistaradeildinni má sjá hér fyrir neðan.

Nantes komst í sextán liða úrslit Meistaradeildarinnar á síðasta tímabili þar sem liðið tapaði fyrir Wisla Plock eftir vítakastkeppni. Nantes endaði í 3. sæti frönsku úrvalsdeildarinnar en varð bikarmeistari.

Viktor Gísli gekk í raðir Nantes frá GOG fyrir síðasta tímabil.