Fyrsti laxinn kominn úr Eystri Rangá

Það má með sanni segja að Eystri Rangá hafi byrjað með stæl en fyrsti laxinn sem veiddist þetta tímabilið í morgun var hvorki meira né minna en 95 sm. Eins og myndin með fréttinni ber með sér er þetta þykkur of flottur hængur sem veiddist í Hrafnaklettum en það er einn af betri veiðistöðum Eystri Rangár. Veiðin í fyrra í ánni var 3.807 laxar og var töluvert af laxi í ánni eftir að veiði lauk svo talan hefði getað verið hærri ef nokkrir dagar í kakói hefðu ekki skemmt fyrir veiðinni. Það verður spennandi að fylgjast með framhaldinu.