Enski boltinn

Stjóri Jóhanns Bergs skrifar undir nýjan 5 ára samning

Aron Guðmundsson skrifar
Kompany og Jóhann Berg hafa átt mjög vel saman hjá Burnley 
Kompany og Jóhann Berg hafa átt mjög vel saman hjá Burnley 

Vincent Kompany, knattspyrnustjóri Jóhanns Bergs Guðmundssonar hjá enska knattspyrnufélaginu Burnley hefur skrifað undir nýjan fimm ára samning við félagið. 

Frá þessu er greint í yfirlýsingu frá Burnley en Kompany tók við stjórn liðsins fyrir yfirstandandi tímabil og stýrði því til sigurs í ensku B-deildinni.

Burnley mun því leika í ensku úrvalsdeildinni á næsta tímabili en áður hafði Kompany, sem gat sér gott orð sem leikmaður Manchester City á Englandi, starfað sem þjálfari belgíska stórliðsins Anderlecht. 

Forráðamenn Burnley eru himinlifandi með Kompany en hann hefur undanfarnar vikur verið orðaður við stjórastöður hjá öðrum félögum í ensku úrvalsdeildinni. 

 

Mest lesið


Fleiri fréttir

Sjá meira


×

Mest lesið