Fjölskylda Mary Quant greinir frá því að hún hafi andast á heimili sínu í Surrey í morgun.
Í tilkynningu frá fjölskyldunni segir að Quant hafi verið mikill frumkvöðull á sviði tísku og ein þeirra tískuhönnuða sem hafi náð hvað mestri alþjóðlegri hylli.
Fyrrverandi ritstjóri tískutímaritsins Vogue, Alexandra Schulman, er ein þeirra sem minnist Quant á Twitter og segir hana hafa verið brautryðjanda í heimi tískunnar. „Hugsjónakona með svo miklu meira en bara frábæra hárgreiðslu.“
RIP Dame Mary Quant. A leader of fashion but also in female entrepreneurship- a visionary who was much more than a great haircut
— Alexandra Shulman (@AShulman2) April 13, 2023
Mary Quant fæddist í London árið 1930 og var dóttir tveggja velskra grunnskólakennara. Hún stundaði listnám við Goldsmiths College þar sem hún kynntist verðandi eiginmanni sínum, Alexander Plunket Greene, sem átti þátt í að koma vörumerki Mary Quant á koppinn, að því er segir í frétt BBC.
Dame Mary Quant (1930-2023)
— V&A (@V_and_A) April 13, 2023
It s impossible to overstate Quant s contribution to fashion. She represented the joyful freedom of 1960s fashion, and provided a new role model for young women.
Fashion today owes so much to her trailblazing vision. pic.twitter.com/4z3MXp0tZl
Hún byrjaði snemma að hanna sín eigin föt og opnaði svo verslun sína, Bazaar á Kings Road í hverfinu Chelsea árið 1955.
