Á­skor­enda­mótið í beinni: Barist um seinustu sætin á Stór­meistara­mótinu

Fimm lið hafa unnið sér inn keppnisrétt á Stórmeistaramótinu og í kvöld kemur í ljós hvaða þrjú lið verða seinust yfir línuna og hvaða þrjú lið verða svo óheppin að missa af sæti á seinustu stundu.

Sýnt verður frá Áskorendamótinu í beinni útsendingu á Stöð 2 eSport og hér á Vísi, en það verður viðureign Viðstöðu og LAVA sem sýnd verður í beinni útsendingu í spilaranum hér fyrir neðan.

Áskorendamótið, eða Áskorendastig Stórmeistaramótsins, er sett upp í svokallað „swiss-format“ þar sem sextán lið hefja keppni og vinna þarf þrjá leiki til að tryggja sér sæti á Stórmeistaramótinu sjálfu. Liðin falla þó ekki úr leik þó þau tapi einum leik, heldur þarf að tapa þremur viðureignum til að falla úr leik. Myndin hér fyrir neðan útskýrir fyrirkomulagið ágætlega.

Nú er mótið komið á það stig að öll liðin sem eftir eru hafa leikið fjóra leiki. Þrjú lið munu því vinna sér inn sæti á Stórmeistaramótinu í kvöld og þrjú lið munu falla úr leik.

Eins og áður segir verður viðureign Viðstöðu og LAVA í beinni útsendingu á Stöð 2 eSport og hér á Vísi í spilaranum hér fyrir neðan, en hægt er að fylgjast með hinum viðureignum kvöldsins á Twitch-hliðarrásum Rafíþróttasamtakana með því að smella á þær fyrir neðan spilarann.