„Við trúum því að vegferðin sem við erum á sé sú rétta“ Smári Jökull Jónsson skrifar 25. febrúar 2023 10:30 Bruno Fernandes er hæstánægður með Erik Ten Hag sem tók við Manchester United síðasta sumar. Vísir/Getty Bruno Fernandes segir að fólk hafi aldrei trúað því að Manchester United gæti verið í þeirri stöðu sem þeir eru í jafn fljótt og raun ber vitni. Hann segir að Erik Ten Hag hafi fengið leikmenn til að trúa á ný. Manchester United er eina félagsliðið í sterkustu deildum Evrópu sem á ennþá möguleika að vinna fjóra titla á tímabilinu. Á fimmtudag sló liðið Barcelona út úr Evrópudeildinni og á morgun mætir liðið Newcastle í úrslitaleik enska deildabikarsins. Í viðtali við Skysports segir Bruno Fernandes, einn af lykilmönnum United, að sjálfstraustið innan félagsins sé mun meira en áður en Erik Ten Hag tók við stjórninni síðasta sumar. „Auðvitað tel ég að mikilvægasta breytingin séu úrslitin. Við trúum við því að vegferðin sem við erum á sé sú rétta, ég held að allir hafi trú. Allir fylgja hugmyndunum sem stjórinn hefur komið með inn í liðið og inn í félagið í heild,“ segir Fernandes og bætir við að Hollendingurinn Ten Hag sé kröfuharður „Hann veit hvað við getum og þess vegna setur hann kröfur. Ég held að allir hafi skilið að þú þarft að vera á hans línu. Þú þarft að fylgja hans reglum annars lendir þú í vandræðum. Hann var mjög ákveðinn á undirbúningstímabilinu, enginn fékk að hætta að hlaupa eða stoppa.“ Viðsnúningurinn varð í sigrinum á Liverpool Bruno Fernandes segir að þó aðstæður séu breyttar núna hafi alltaf verið gaman að vera leikmaður Manchester United. „Þegar úrslitin eru góð er það augljóslega skemmtilegra, maður kemur brosandi á æfingasvæðið. Ég held að skortur á sjálfstrausti hafi verið augljós á síðasta tímabili en núna getur þú séð að allir sem spila eru nokkuð öruggir og líka þeir sem eru ekki að spila.“ Manchester United tapaði í fyrstu tveimur leikjum sínum í ensku úrvalsdeildinni á tímabilinu, gegn Brighton og Brentford. Í þriðja leiknum mætti liðið Liverpool og Fernandes segir að þar hafi orðið viðsnúningur. United vann 2-1 sigur í leiknum. Bruno Fernandes segir að viðsnúningur hafi orðið hjá United í sigrinum gegn Liverpool í upphafi tímabils.Vísir/Getty „Andrúmsloftið var frábært. Fyrsta tæklingin hjá Licha (Lisandro Martinez) kveikti í áhorfendum og maður fann strax að allir skildu að þetta hlyti að vera okkar augnablik. Eftir þennan leik náðum við góðum kafla þangað til við töpuðum gegn City.“ Fernandes segir að það sé ekki hægt að spila fyrir United og vera ánægður án þess að vinna titla. „Það eru liðnir sex eða sjö mánuðir og þetta hefur gengið hratt. Ég held að fólk hafi ekki trúað því að United væri í þessari stöðu á þessum tímapunkti vegna allra breytinganna, nýr þjálfari og svo hvernig gekk í fyrstu tveimur leikjunum. Þetta er undir okkur komið og við þurfum að halda áfram því það er auðvelt að gleyma góðu leikjunum þegar þú tapar leik.“ „Alltaf erfiður úrslitaleikur sama hver andstæðingurinn er“ Hann segir að Newcastle, andstæðingur United í úrslitum deildabikarsins, sé líklega það lið sem hefur komið mest á óvart á tímabilinu en Newcastle situr í fimmta sæti ensku deildarinnar. „Gæðin hafa alltaf verið þar en á síðasta tímabili voru þeir að berjast um að halda sæti sínu í deildinni og nú eru þeir að standa sig mjög vel. Ég held að allir viti að þetta sé sterkt lið. Þeir hafa ekki fengið mörg mörk á sig og eru líklega eitt af tveimur sterkustu liðunum í Evrópu hvað það varðar.“ „Þetta snýst um okkur. Þetta snýst meira um hvað við getum gert þeim, hvað við getum gert með okkar ákafa, ástríðu og gæðum. Við vitum að þetta verður erfiður úrslitaleikur sama hver andstæðingurinn er, þetta er alltaf erfitt því þetta er úrslitaleikur.“ Mest lesið Dásamar Albert og segir hann ráða hver taki vítin Fótbolti Sakaður um að öskra „Frjáls Palestína, ég vona að þið deyið“ Fótbolti Mörkin úr Bestu: Sjáðu sturlað mark Emils frá miðju og Davíð bjarga stigi Íslenski boltinn Lést 26 ára gamall eftir baráttu við áfengi og þunglyndi Sport Gaf klárum boltastrák verðlaunin Fótbolti Martröð Pogba lokið en hvað tekur við? Fótbolti „Bara lygarar og svindlarar sem segja að hann sé vandamálið“ Enski boltinn Albert skoraði sigurmarkið eftir að De Gea varði tvær vítaspyrnur Fótbolti Þekkti þjálfarann og fékk því himnasendingu frá Reyðarfirði Íslenski boltinn Onana haldið oftast hreinu Enski boltinn Fleiri fréttir Onana haldið oftast hreinu Ofurvaramaðurinn Duran fær nýjan sex ára samning Næstu vikur gríðarlega mikilvægar fyrir Ten Hag „Bara lygarar og svindlarar sem segja að hann sé vandamálið“ Man United ekki byrjað verr síðan 1989 Hemp í sögubækurnar og Man City á toppinn Ten Hag: Erum allir á sömu blaðsíðu Ótrúleg endurkoma Brighton Forest fékk stig manni færri Markalaust á Villa Park Van Nistelrooy hræddur um að hann verði álitinn hafa stungið Ten Hag í bakið Markaskorarinn Kovačić: „Engir auðveldir leikir í þessari deild“ Óttast að Alisson sé frá næstu vikurnar Pickford bjargaði stigi Meistararnir lentu undir en unnu samt Skytturnar komu til baka gegn Dýrlingunum „Okkur er sama hvað öðrum finnst um okkur“ Liverpool með fjögurra stiga forskot á toppnum Sjáðu fáránleg mistök markvarðar Leeds Ratcliffe um Ten Hag: „Ekki mín ákvörðun“ „Þá er ég mjög heimskur þjálfari“ Samherji Stefáns Teits í átta leikja bann fyrir að bíta mótherja Trúir ekki skýringum og tippar á rifrildi við Rashford Eigandi Nottingham Forest ákærður af enska knattspyrnusambandinu Valinn í landsliðið í fyrsta sinn í sjö ár Holdafarsummæli Guardiola sem myllusteinn um háls Phillips Henry hélt að Saka yrði ekki það góður „Hann er klárlega magnaður þjálfari“ Leikmaður City handtekinn fyrir að stela síma Sakar leikmenn United um leti á æfingum Sjá meira
Manchester United er eina félagsliðið í sterkustu deildum Evrópu sem á ennþá möguleika að vinna fjóra titla á tímabilinu. Á fimmtudag sló liðið Barcelona út úr Evrópudeildinni og á morgun mætir liðið Newcastle í úrslitaleik enska deildabikarsins. Í viðtali við Skysports segir Bruno Fernandes, einn af lykilmönnum United, að sjálfstraustið innan félagsins sé mun meira en áður en Erik Ten Hag tók við stjórninni síðasta sumar. „Auðvitað tel ég að mikilvægasta breytingin séu úrslitin. Við trúum við því að vegferðin sem við erum á sé sú rétta, ég held að allir hafi trú. Allir fylgja hugmyndunum sem stjórinn hefur komið með inn í liðið og inn í félagið í heild,“ segir Fernandes og bætir við að Hollendingurinn Ten Hag sé kröfuharður „Hann veit hvað við getum og þess vegna setur hann kröfur. Ég held að allir hafi skilið að þú þarft að vera á hans línu. Þú þarft að fylgja hans reglum annars lendir þú í vandræðum. Hann var mjög ákveðinn á undirbúningstímabilinu, enginn fékk að hætta að hlaupa eða stoppa.“ Viðsnúningurinn varð í sigrinum á Liverpool Bruno Fernandes segir að þó aðstæður séu breyttar núna hafi alltaf verið gaman að vera leikmaður Manchester United. „Þegar úrslitin eru góð er það augljóslega skemmtilegra, maður kemur brosandi á æfingasvæðið. Ég held að skortur á sjálfstrausti hafi verið augljós á síðasta tímabili en núna getur þú séð að allir sem spila eru nokkuð öruggir og líka þeir sem eru ekki að spila.“ Manchester United tapaði í fyrstu tveimur leikjum sínum í ensku úrvalsdeildinni á tímabilinu, gegn Brighton og Brentford. Í þriðja leiknum mætti liðið Liverpool og Fernandes segir að þar hafi orðið viðsnúningur. United vann 2-1 sigur í leiknum. Bruno Fernandes segir að viðsnúningur hafi orðið hjá United í sigrinum gegn Liverpool í upphafi tímabils.Vísir/Getty „Andrúmsloftið var frábært. Fyrsta tæklingin hjá Licha (Lisandro Martinez) kveikti í áhorfendum og maður fann strax að allir skildu að þetta hlyti að vera okkar augnablik. Eftir þennan leik náðum við góðum kafla þangað til við töpuðum gegn City.“ Fernandes segir að það sé ekki hægt að spila fyrir United og vera ánægður án þess að vinna titla. „Það eru liðnir sex eða sjö mánuðir og þetta hefur gengið hratt. Ég held að fólk hafi ekki trúað því að United væri í þessari stöðu á þessum tímapunkti vegna allra breytinganna, nýr þjálfari og svo hvernig gekk í fyrstu tveimur leikjunum. Þetta er undir okkur komið og við þurfum að halda áfram því það er auðvelt að gleyma góðu leikjunum þegar þú tapar leik.“ „Alltaf erfiður úrslitaleikur sama hver andstæðingurinn er“ Hann segir að Newcastle, andstæðingur United í úrslitum deildabikarsins, sé líklega það lið sem hefur komið mest á óvart á tímabilinu en Newcastle situr í fimmta sæti ensku deildarinnar. „Gæðin hafa alltaf verið þar en á síðasta tímabili voru þeir að berjast um að halda sæti sínu í deildinni og nú eru þeir að standa sig mjög vel. Ég held að allir viti að þetta sé sterkt lið. Þeir hafa ekki fengið mörg mörk á sig og eru líklega eitt af tveimur sterkustu liðunum í Evrópu hvað það varðar.“ „Þetta snýst um okkur. Þetta snýst meira um hvað við getum gert þeim, hvað við getum gert með okkar ákafa, ástríðu og gæðum. Við vitum að þetta verður erfiður úrslitaleikur sama hver andstæðingurinn er, þetta er alltaf erfitt því þetta er úrslitaleikur.“
Mest lesið Dásamar Albert og segir hann ráða hver taki vítin Fótbolti Sakaður um að öskra „Frjáls Palestína, ég vona að þið deyið“ Fótbolti Mörkin úr Bestu: Sjáðu sturlað mark Emils frá miðju og Davíð bjarga stigi Íslenski boltinn Lést 26 ára gamall eftir baráttu við áfengi og þunglyndi Sport Gaf klárum boltastrák verðlaunin Fótbolti Martröð Pogba lokið en hvað tekur við? Fótbolti „Bara lygarar og svindlarar sem segja að hann sé vandamálið“ Enski boltinn Albert skoraði sigurmarkið eftir að De Gea varði tvær vítaspyrnur Fótbolti Þekkti þjálfarann og fékk því himnasendingu frá Reyðarfirði Íslenski boltinn Onana haldið oftast hreinu Enski boltinn Fleiri fréttir Onana haldið oftast hreinu Ofurvaramaðurinn Duran fær nýjan sex ára samning Næstu vikur gríðarlega mikilvægar fyrir Ten Hag „Bara lygarar og svindlarar sem segja að hann sé vandamálið“ Man United ekki byrjað verr síðan 1989 Hemp í sögubækurnar og Man City á toppinn Ten Hag: Erum allir á sömu blaðsíðu Ótrúleg endurkoma Brighton Forest fékk stig manni færri Markalaust á Villa Park Van Nistelrooy hræddur um að hann verði álitinn hafa stungið Ten Hag í bakið Markaskorarinn Kovačić: „Engir auðveldir leikir í þessari deild“ Óttast að Alisson sé frá næstu vikurnar Pickford bjargaði stigi Meistararnir lentu undir en unnu samt Skytturnar komu til baka gegn Dýrlingunum „Okkur er sama hvað öðrum finnst um okkur“ Liverpool með fjögurra stiga forskot á toppnum Sjáðu fáránleg mistök markvarðar Leeds Ratcliffe um Ten Hag: „Ekki mín ákvörðun“ „Þá er ég mjög heimskur þjálfari“ Samherji Stefáns Teits í átta leikja bann fyrir að bíta mótherja Trúir ekki skýringum og tippar á rifrildi við Rashford Eigandi Nottingham Forest ákærður af enska knattspyrnusambandinu Valinn í landsliðið í fyrsta sinn í sjö ár Holdafarsummæli Guardiola sem myllusteinn um háls Phillips Henry hélt að Saka yrði ekki það góður „Hann er klárlega magnaður þjálfari“ Leikmaður City handtekinn fyrir að stela síma Sakar leikmenn United um leti á æfingum Sjá meira