Handbolti

Dagur um landsliðið: „Ef það er ágúst 2024 þá sest ég að borðinu“

Valur Páll Eiríksson skrifar
Dagur Sigurðsson var til viðtals í Valsheimilinu í dag.
Dagur Sigurðsson var til viðtals í Valsheimilinu í dag. Vísir/Vilhelm

Dagur Sigurðsson, landsliðsþjálfari Japan í handbolta, segist einbeita sér að því verkefni þangað til samningur hans rennur út eftir Ólympíuleikana í París á næsta ári. Hann sé opinn fyrir því að taka við íslenska landsliðinu, en ekki fyrr en sá samningur er runninn á enda.

Guðmundur Guðmundsson, landsliðsþjálfari, hefur sætt gagnrýni eftir vonbrigði íslenska landsliðsins á heimsmeistaramótinu í janúar þar sem liðið náði ekki markmiði sínu um að komast í átta liða úrslit. Dagur hefur verið orðaður við stöðuna en gefur lítið fyrir orðrómana.

Aðspurður hvort hann sé farin að skoða sín næstu skref á þjálfaraferlinum eftir samningslokin í Japan haustið 2024 segir Dagur:

„Nei, í rauninni ekki. Ég hef ekkert pælt í því. Ég veit að það eru margir að hugsa um íslenska landsliðið, fyrir mína hönd. Ég hef alveg sagt það; ég er til í að skoða það þegar mínum samningi lýkur,“.

Dagur var þá spurður hvert svar hans yrði ef HSÍ myndi slá á þráðinn til hans og bjóða honum stöðuna í dag.

„Ef það er 2024 og í ágúst þá sest ég að borðinu og við skoðum málin. En það er bara ekki staður né stund fyrir þetta, því miður,“ segir Dagur.

Klippa: Ekki staður né stund fyrir þetta
Landslið karla í handbolta

Mest lesið


Fleiri fréttir

Sjá meira


×

Mest lesið