18. umferð CS:GO | Dusty meistarar enn á ný Snorri Rafn Hallsson skrifar 18. febrúar 2023 13:31 Eftir æsispennandi lokaumferð unnu Dusty Ljósleiðaradeildina í CS:GO á síðustu metrunum. Áður en seinna kvöldið í lokaumferðinni hófst var útlit fyrir að þrjú lið ættu möguleika á titlinum þar sem Atlantic, Dusty og Þór voru jöfn að stigum. Það breyttist þegar leikur Ármanns og Dusty frá því í upphafi árs var endurtekinn og með sigri þar hafði Dusty því tveggja stiga forskot á hin liðin og vegna innbyrðis viðureigna gat Þór ekki lengur komist í efsta sætið. Dusty lögðu Þór í lokaleiknum og tryggðu sér þar með titilinn enn eitt árið í röð. Leikir vikunnar Breiðablik 16 – 9 Fylkir Lokaumferðin hófst á viðureign Fylkis og Breiðabliks. Blikar höfðu yfirhöndina allan tímann og létu það ekki á sig fá þó Fylkir næði góðum opnunum heldur mættu þeim af krafti, þolinmæði og aga. Komust þeir þannig í 6–0 áður en Fylkir vann sína fyrstu lotu og juku forskotið enn frekar í fyrri hálfleiknum. Blikar voru þó orðnir kærulausir undir lokin og Fylkir minnkaði muninn í 11–4. Fylkismenn tengdu loks saman nokkrar lotur snemma í fyrri hálfleik en það var of seint í rassinn gripið og Breiðablik hafði betur. LAVA 19 – 16 Viðstöðu LAVA var mun betur undirbúið og léku samhæfðar um kortið en lið Viðstöðu í fyrri hálfleik. TripleG var yfirvegaður og Stalz raðaði inn fellunum til að tryggja LAVA gott forskot inn í síðari hálfleikinn 10–5. Vappinn virkaði ekki vel fyrir LAVA í seinni hálfleiknum en þá höfðu Blazter og félagar tekið við sér, náðu að jafna og komast yfir. LAVA var við það að tryggja sér sigurinn þegar Mozar7 jafnaði í síðustu lotu og því fór leikurinn í framlengingu. Þar var það J0n sem innsiglaði sigurinn fyrir LAVA. Ármann 5 – 16 FH Ármann hafði betur í hnífalotunni en leikmenn FH voru einkar lunknir í að spila úr erfiðum stöðum og brjótast í gegnum losaralega vörn Ármanns. FH náði því snemma mjög góðu forskoti og lauk fyrri hálfleiknum með 11 stig gegn 4. Í þeim síðari missti Ármann skammbyssulotuna frá sér en fjórföld fella frá Hundza þar sem hann beitti búnaði afar vel bætti upp fyrir það. En fleiri urðu stig Ármanns ekki og FH hafði öruggan sigur í leiknum. TEN5ION 14 – 16 Atlantic Atlantic varð að vinna TEN5ION til að eiga möguleika á að vinna deildina. TEN5ION vann fyrstu tvær loturnar en eftir að Atlantic komust í 3–2 höfðu þeir yfirhöndina. TEN5ION hleyptu þeim þó aldrei og langt frá sér og var staðan í hálfleik 8–7 fyrir Atlantic. Í síðari hálfleik gaf TEN5ION heldur betur í og tókst að brjóta efnahag Atlantic á bak aftur. TEN5ION var þá komið í mjög góða stöðu, 14–10, en Atlantic tókst að vinna gríðarlega mikilvæga lotu til að halda sér inni í leiknum og sigla sigrinum heim. Þar sem Dusty hafði unnið Ármann í endurspiluðum leik sem fram fór á sama tíma voru úrslit deildarinnar þó ekki orðin ljós en Atlantic í ágætis stöðu. Dusty 16 – 7 Þór Lokaleikur tímabilsins var hálfgerður úrslitaleikur. Ynni Dusty myndi liðið sigra deildina en annars hreppti Atlantic titilinn. Dusty komust yfir 2–0 en Þórsarar jöfnuðu og náðu eins stigs forskoti. Dusty lét það ekki á sig fá og náði tökum á leiknum aftur og lék á snjallan hátt á mismunandi stöðum á kortinu. Þannig misstu Þórsarar Dusty fram úr sér um miðbik hálfleiksins og áttu varla afturkvæmt í leikinn á ný. Staðan í hálfleik var 11–4 fyrir Dusty og þó Þór minnkaði muninn í 12–7 áttu þeir aldrei almennilegan séns og sigldi sigrinum heim hratt og örugglega. Staðan Með tveimur sigrum á lokakvöldinu vann Dusty Ljósleiðaradeildina. Þar hafði leikurinn sem Dusty endurtók gegn Ármanni úrslitaáhrif, án stiganna úr honum hefðu Dusty og Atlantic verið jöfn og Atlantic með yfirhöndina í innbyrðis viðureignum liðanna. Atlantic þarf því að sætta sig við annað sætið og Þór það þriðja. Sigur FH á Ármanni skaut þeim upp í fjórða sætið og þar á eftir raða sér Ármann, LAVA og Breiðablik. Viðstöðu rekur lestina af þeim liðum sem ekki eiga á hættu að falla niður um deild, TEN5ION tekur þátt í umspili og Fylkir fellur beint niður. Ljósleiðaradeildinni er þá lokið þetta tímabilið. Eftir helgi fer fram umspil um sæti í forkeppni fyrir Blast mótið milli 4 efstu liðanna og Stórmeistaramótið fer fram í mars. Rafíþróttir Ljósleiðaradeildin FH Breiðablik Dusty Þór Akureyri Ármann Fylkir Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Lést í hlaupi til minningar um systur sína Sport Var með ferðatöskuna tilbúna af því að Liverpool ætlaði að kaupa hann Enski boltinn Hungrið enn til staðar hjá Gunnari: Með augun á næsta bardaga Sport „Þeir hótuðu að handtaka konuna mína“ Fótbolti Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir 50 stelpur keppa um metfé í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira
Áður en seinna kvöldið í lokaumferðinni hófst var útlit fyrir að þrjú lið ættu möguleika á titlinum þar sem Atlantic, Dusty og Þór voru jöfn að stigum. Það breyttist þegar leikur Ármanns og Dusty frá því í upphafi árs var endurtekinn og með sigri þar hafði Dusty því tveggja stiga forskot á hin liðin og vegna innbyrðis viðureigna gat Þór ekki lengur komist í efsta sætið. Dusty lögðu Þór í lokaleiknum og tryggðu sér þar með titilinn enn eitt árið í röð. Leikir vikunnar Breiðablik 16 – 9 Fylkir Lokaumferðin hófst á viðureign Fylkis og Breiðabliks. Blikar höfðu yfirhöndina allan tímann og létu það ekki á sig fá þó Fylkir næði góðum opnunum heldur mættu þeim af krafti, þolinmæði og aga. Komust þeir þannig í 6–0 áður en Fylkir vann sína fyrstu lotu og juku forskotið enn frekar í fyrri hálfleiknum. Blikar voru þó orðnir kærulausir undir lokin og Fylkir minnkaði muninn í 11–4. Fylkismenn tengdu loks saman nokkrar lotur snemma í fyrri hálfleik en það var of seint í rassinn gripið og Breiðablik hafði betur. LAVA 19 – 16 Viðstöðu LAVA var mun betur undirbúið og léku samhæfðar um kortið en lið Viðstöðu í fyrri hálfleik. TripleG var yfirvegaður og Stalz raðaði inn fellunum til að tryggja LAVA gott forskot inn í síðari hálfleikinn 10–5. Vappinn virkaði ekki vel fyrir LAVA í seinni hálfleiknum en þá höfðu Blazter og félagar tekið við sér, náðu að jafna og komast yfir. LAVA var við það að tryggja sér sigurinn þegar Mozar7 jafnaði í síðustu lotu og því fór leikurinn í framlengingu. Þar var það J0n sem innsiglaði sigurinn fyrir LAVA. Ármann 5 – 16 FH Ármann hafði betur í hnífalotunni en leikmenn FH voru einkar lunknir í að spila úr erfiðum stöðum og brjótast í gegnum losaralega vörn Ármanns. FH náði því snemma mjög góðu forskoti og lauk fyrri hálfleiknum með 11 stig gegn 4. Í þeim síðari missti Ármann skammbyssulotuna frá sér en fjórföld fella frá Hundza þar sem hann beitti búnaði afar vel bætti upp fyrir það. En fleiri urðu stig Ármanns ekki og FH hafði öruggan sigur í leiknum. TEN5ION 14 – 16 Atlantic Atlantic varð að vinna TEN5ION til að eiga möguleika á að vinna deildina. TEN5ION vann fyrstu tvær loturnar en eftir að Atlantic komust í 3–2 höfðu þeir yfirhöndina. TEN5ION hleyptu þeim þó aldrei og langt frá sér og var staðan í hálfleik 8–7 fyrir Atlantic. Í síðari hálfleik gaf TEN5ION heldur betur í og tókst að brjóta efnahag Atlantic á bak aftur. TEN5ION var þá komið í mjög góða stöðu, 14–10, en Atlantic tókst að vinna gríðarlega mikilvæga lotu til að halda sér inni í leiknum og sigla sigrinum heim. Þar sem Dusty hafði unnið Ármann í endurspiluðum leik sem fram fór á sama tíma voru úrslit deildarinnar þó ekki orðin ljós en Atlantic í ágætis stöðu. Dusty 16 – 7 Þór Lokaleikur tímabilsins var hálfgerður úrslitaleikur. Ynni Dusty myndi liðið sigra deildina en annars hreppti Atlantic titilinn. Dusty komust yfir 2–0 en Þórsarar jöfnuðu og náðu eins stigs forskoti. Dusty lét það ekki á sig fá og náði tökum á leiknum aftur og lék á snjallan hátt á mismunandi stöðum á kortinu. Þannig misstu Þórsarar Dusty fram úr sér um miðbik hálfleiksins og áttu varla afturkvæmt í leikinn á ný. Staðan í hálfleik var 11–4 fyrir Dusty og þó Þór minnkaði muninn í 12–7 áttu þeir aldrei almennilegan séns og sigldi sigrinum heim hratt og örugglega. Staðan Með tveimur sigrum á lokakvöldinu vann Dusty Ljósleiðaradeildina. Þar hafði leikurinn sem Dusty endurtók gegn Ármanni úrslitaáhrif, án stiganna úr honum hefðu Dusty og Atlantic verið jöfn og Atlantic með yfirhöndina í innbyrðis viðureignum liðanna. Atlantic þarf því að sætta sig við annað sætið og Þór það þriðja. Sigur FH á Ármanni skaut þeim upp í fjórða sætið og þar á eftir raða sér Ármann, LAVA og Breiðablik. Viðstöðu rekur lestina af þeim liðum sem ekki eiga á hættu að falla niður um deild, TEN5ION tekur þátt í umspili og Fylkir fellur beint niður. Ljósleiðaradeildinni er þá lokið þetta tímabilið. Eftir helgi fer fram umspil um sæti í forkeppni fyrir Blast mótið milli 4 efstu liðanna og Stórmeistaramótið fer fram í mars.
Rafíþróttir Ljósleiðaradeildin FH Breiðablik Dusty Þór Akureyri Ármann Fylkir Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Lést í hlaupi til minningar um systur sína Sport Var með ferðatöskuna tilbúna af því að Liverpool ætlaði að kaupa hann Enski boltinn Hungrið enn til staðar hjá Gunnari: Með augun á næsta bardaga Sport „Þeir hótuðu að handtaka konuna mína“ Fótbolti Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir 50 stelpur keppa um metfé í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira