Ragn­heiður nýr for­maður SVFR

Ragnheiður hefur setið í stjórn SFVR í tíu ár, fyrst á árunum 2011 til 2017 og síðan frá árinu 2019. Hún hefur tvisvar gegnt embætti varaformanns og kveðst hafa einlægan áhuga á starfanum.

„Með samstarfsfólki í framvarðarsveit félagsins hef ég lifað tímana tvenna, bæði góð ár og mögur, og reynslan af hvoru tveggja er dýrmæt. Þá reynslu vil ég nýta til hagsbóta fyrir félagsmenn og tryggja að okkar fornfræga félag verði áfram bakbeinið í íslensku veiðisamfélagi,“ segir í framboðstilkynningu.

Markmiðið er að efla samfélag veiðikvenna og -karla, efla ungmennastarf og kynna gildi stangveiðinnar fyrir veiðimönnum framtíðarinnar. Hún vill að náttúran njóti vafans og er andvíg sjókvíaeldi: „Allt laxeldi upp á land.“