Tilþrifin: Bl1ick nær ás og NÚ skellti sér á toppinn

Hjörtur Leó Guðjónsson skrifar 11. nóvember 2022 10:46

Blick sýndi frábær tilþrif er NÚ skellti sér á topp Ljósleiðaradeildarinnar í gær.

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það bl1ick í liði NÚ sem á heiðurinn af tilþrifum kvöldsins.

NÚ mætti botnliði Ten5ion þegar níundu umferð Ljósleiðaradeildarinnar lauk í gærkvöldi með þremur leikjum. NÚ og Ten5ion að berjast á sitthvorum enda töflunnar, og því kom það líklega fáum á óvart að það voru liðsmenn NÚ sem höfðu betur, 16-10.

Sigurinn lyfti liðinu á topp Ljósleiðaradeildarinnar og tap Þórs gegn Dusty í seinasta leik gærkvöldsins þýðir það að NÚ heldur toppsætinu í það minnsta fram yfir helgi.

Ekki nóg með það að hrifsa til sín toppsætið í Ljósleiðaradeildinni, heldur átti liðið einnig tilþrif gærkvöldsins. Það er eins og áður segir bl1ick sem á heiðurinn af tilþrifunum, en hann tók út alla meðlimi Ten5ion á einu bretti í stöðunni 9-5, NÚ í vil.

Klippa: Elko tilþrifin: Bl1ick nær ás og NÚ skellti sér á toppinn

Rafíþróttir Ljósleiðaradeildin