Tilþrifin: MiNidGreez! sýndi frábær tilþrif er Þórsarar lyftu sér á toppinn

Hjörtur Leó Guðjónsson skrifar 28. október 2022 10:45

MinideGreez! á Elko tilþrif gærkvöldsins.

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það miNideGreez! í liði Þórs sem á heiðurinn af tilþrifum kvöldsins.

Þór mætti stigalausu liði Ten5ion í annarri viðureign gærkvöldsins. Með sigri gátu Þórsarar tyllt sér á topp Ljósleiðaradeildarinnar, en þrjú lið voru jöfn á toppnum fyrir leiki gærkvöldsins.

Þór, LAVA og ríkjandi meistarar Dusty voru öll jöfn í efsta sæti með tíu stig, en Þór átti leik til góða. Þórsarar höfðu að lokum betur gegn Ten5ion í gær, 16-12.

Þórsliðið lyfti sér ekki bara á toppinn í gær, heldur átti meðlimu liðsins, miNideGreez!, einnig tilþrif gærkvöldsins þegar hann tók út Moshii af löngu færi. Ekki nóg með það að færið hafi verið langt heldur gerði miNideGreez! það einnig í gegnum reykmökk og skjöld, en tilþrifin má sjá í spilaranum hér að neðan.

Klippa: Elko tilþrifin: MiNidGreez! sýndi frábær tilþrif er Þórsarar lyftu sér á toppinn

Ljósleiðaradeildin Rafíþróttir