Tónlist

Nýtt tónlistarmyndband frá Ásgeiri Trausta

Dóra Júlía Agnarsdóttir skrifar
Ásgeir Trausti frumsýnir tónlistarmyndband á Lífinu á Vísi við lagið Borderland. Hann er nú á tónleikaferðalagi um Evrópu.
Ásgeir Trausti frumsýnir tónlistarmyndband á Lífinu á Vísi við lagið Borderland. Hann er nú á tónleikaferðalagi um Evrópu. Anna Maggý

Lífið á Vísi kynnir frumsýningu á tónlistarmyndbandi Ásgeirs Trausta við lagið Borderland. Myndbandinu var leikstýrt af Einari Egilssyni en lagið er hluti af væntanlegri plötu sem kemur út í lok október og ber nafnið Time on my hands.

Hér má sjá tónlistarmyndbandið:

Klippa: Ásgeir - Borderland

Á milli svefns og vöku

Samkvæmt Ásgeiri var Borderland síðasta lagið sem var valið inn á plötuna og var ferlið frekar fljótt og áreynslulaust.

„Ég var að leika mér í gömlu Memorymoog hljómborði og gerði loop-u af synthum og trommum sem ég samdi svo melódíur ofan á. Þegar ég var kominn með grunninn á laginu fékk ég föður minn til að skrifa nokkur orð fyrir textann.

Stuttu síðar sendir hann mér textann Á milli svefns og vöku sem fjallar um mann sem er milli svefns og vöku og dreymir um að hann sé á leið til paradísar að hitta elskhuga sinn. 

Í einhvers konar ofskynjunar ástandi fer hann að heyra rödd hennar tala og syngja en hann vaknar alltaf áður en hann nær að teygja sig til hennar. 

Slíkt ástand er gjarnan tengt við hækkandi sköpunargáfu.“

Heltekinn af hljóði

Einar Egilsson, leikstjóri myndbandsins, tengir söguþráðinn við persónulega reynslu.

„Sagan fjallar um mann sem er heltekinn af hljóði sem birtist í húsinu hans. Hann hefur verið andvaka dögum jafnvel vikum saman að reyna að taka upp sama hljóð. En ekkert gengur fyrr en hann sofnar í fyrsta skipti í langan tíma. Sjálfur er ég með tinnitus (suð í eyra) og þótt sagan fjalli ekki um tinnitus þá er ég sjálfur heltekinn af ákveðnu hljóði á ákveðnu frequency-i. Þaðan kom innblásturinn.“

Dýrmætt samstarf

Samstarfið hjá Einari og Ásgeiri gekk vel en þetta er ekki í fyrsta skipti sem þeir sameina krafta sína.

„Síðan lifnaði hugmyndin auðvitað einnig við út frá þessum gullfallega texta í laginu hans Ásgeirs. Við Ásgeir höfum unnið nokkrum sinnum saman og það er líka svo dýrmætt að hann treystir mér að gera mynd við hans mögnuðu tónlist,“ segir Einar að lokum.

Ásgeir er nú á tónleikaferðalagi um Evrópu og kemur fram í París annað kvöld. Hér að neðan má sjá nokkrar myndir frá ferðalaginu hingað til:

Undirbúningur fyrir svið.Guðmundur Kristinn Jónsson

Ásgeir syngur fyrir fullum sal.Chiara Michieletto

Chiara Michieletto

Ásgeir með teyminu sínu á röltinu.Guðmundur Kristinn Jónsson

Gítarinn fer aldrei langt.Guðmundur Kristinn Jónsson

Ásgeir ásamt hljómsveitinni á sviði.Chiara Michieletto

Ásgeir hefur nú þegar spilað í Þýskalandi, Belgíu og Hollandi og kemur fram í París í kvöld. Evróputúrnum lýkur með öðrum tónleikum í Hollandi 17. október.Chiara Michieletto
Tónlist Menning

Tengdar fréttir

Sá aldrei neitt annað fyrir sér en að verða tónlistarmaður

Tónlistarmaðurinn Ásgeir, áður þekktur undir listamannsnafninu Ásgeir Trausti, fagnar því í ár að tíu ár eru liðin frá því fyrsta platan hans Dýrð í Dauðaþögn kom út. Í tilefni af þessum tímamótum ákvað hann að gefa plötuna aftur út og ásamt því mun hann halda stórtónleika í Eldborg, Hörpu þann 27. ágúst næstkomandi. Það er ýmislegt fleira á döfinni í tónlistarheimi Ásgeirs en þekkt íslenskt tónlistarfólk kemur til með að endurgera þekktustu lög hans á plötu sem enn á eftir að tilkynna hvenær kemur út. Blaðamaður hitti Ásgeir í kaffibolla og fékk að taka púlsinn á honum.

Frumsýning á Vísi: Tónlistarmyndband Ásgeirs Trausta við lagið Snowblind

Lífið á Vísi kynnir frumsýningu á nýju lagi og tónlistarmyndbandi frá tónlistarmanninum Ásgeiri. Lagið heitir Snowblind og er hér um að ræða fyrstu smáskífu af væntanlegri plötu, Time On My Hands, sem kemur út á vegum útgáfufyrirtækisins One Little Independent í október.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.