Leigir fimm samherjum sínum sem stökkva stundum í barnapössun Ingvi Þór Sæmundsson skrifar 22. september 2022 12:43 Óli Björn Vilhjálmsson skoraði fyrsta mark Harðar í efstu deild. vísir/hulda margrét Óli Björn Vilhjálmsson, fyrirliði Harðar, segir að Ísfirðingar bíði í ofvæni eftir fyrsta heimaleik sínum í efstu deild. Þrátt fyrir að leikmenn Harðar komi víða að er leikmannahópurinn samheldinn sem sést best á búsetu erlendu leikmanna liðsins. Hörður steinlá fyrir Val, 38-28, í fyrsta leik sínum í efstu deild á föstudaginn. Harðarmenn fá annað tækifæri til að ná í sín fyrstu stig í efstu deild þegar KA-menn koma í heimsókn í 3. umferð Olís-deildarinnar klukkan 18:00 í kvöld. „Það er allt að smella. Við erum mjög spenntir, það eru auglýsingar um allt í bænum og mikið rætt við okkur um leikinn og tímabilið,“ sagði Óli í samtali við Vísi í morgun. Þrefaldir meistarar Vals sýndu Herði enga miskunn í jómfrúarleik þeirra og voru þrettán mörkum yfir í hálfleik, 22-9. Harðarmenn sneru þó bökum saman og unnu seinni hálfleikinn með þremur mörkum. Tíu marka tap var samt niðurstaðan úr þessum sögulega leik. Leikmenn Harðar koma úr ýmsum áttum.vísir/hulda margrét „Þetta var smá blaut tuska í andlitið. Við ætluðum að gefa þeim aðeins meiri leik en þetta en það var einhver skjálfti í okkur. Hann verður að vera farinn núna,“ sagði Óli sem skoraði fyrsta mark Harðar í leiknum gegn Val, og þar með fyrsta mark liðsins í efstu deild. „Það er mjög skemmtilegt að eiga það,“ sagði Óli sem hefur búið á Ísafirði í sex ár. Hann er sjálfur af mölinni og lék með Gróttu og Þrótti áður en hann flutti vestur. Kona hans er frá Ísafirði og þau hafa komið sér vel fyrir þar. Fimm ára markmiðið náðist á þremur árum Uppgangur Harðar hefur verið með ólíkindum en tímabilið 2019-20 endaði liðið í neðsta sæti 2. deildar. Óli hefur verið fyrirliði Harðar á þessum miklu uppgangsárum en upprisa félagsins hófst þegar Spánverjinn Carlos Martin Santos var ráðinn þjálfari þess. „Þegar Carlos kom ákváðum við að leggja aðeins meira púður í þetta og fengum tvo erlenda leikmenn með Íslendingunum. Upphaflega var þetta fimm ára plan en það náðist á þremur árum,“ sagði Óli. Óli reynir skot að marki Vals.vísir/hulda margrét Ekki verður annað sagt en leikmannahópur Harðar sé fjölbreyttur en í honum eru leikmenn frá níu löndum. Þrátt fyrir það segir Óli að hópurinn sé samstilltur og búseta erlendu leikmanna Harðar spilar þar inn í. „Fimm leikmenn leigja í húsinu hjá mér og hinir fjórir eru í öðru húsi. Við erum eiginlega alltaf saman,“ sagði Óli og bætti því við að það gæti verið hentugt að búa undir sama þaki og liðsfélagar sínir. „Það hefur alveg komið fyrir að þegar ég er í vinnunni og konan þarf að fara eitthvað að leikmaður hoppi í barnapössun. Ég held að þetta sé einsdæmi.“ Sigur ÍR tvíeggja sverð Markmið Harðar er einfalt; að vera réttu megin við fallstrikið og spila í Olís-deildinni á næsta tímabili. „Það er stefnan. Við kunnum alveg handbolta og það sást alveg í seinni hálfleiknum gegn Val, þótt leikurinn hafi verið búinn. Við þurfum bara að byggja ofan á það og þá getum við staðið í hverjum sem er. Það sást í síðustu umferð að hvaða lið getur unnið hvaða lið sem er,“ sagði Óli og vísaði til óvænts sigurs ÍR á Haukum. Carlos Martin Santos hefur náð framúrskarandi árangri með Hörð.vísir/hulda margrét Hann segir að þau úrslit hafi aukið trú Harðarmanna á að þeir sjálfir gætu sótt stig. En þar með voru jákvæðu afleiðingar sigurs ÍR-inga fyrir Harðarmenn upptalin. „Þau hjálpuðu okkur ekki heldur. Ekki að Valsmenn hafi ætlað að vanmeta okkur en það voru engar líkur á því eftir að Haukar fengu skell gegn ÍR. En þá sá maður að við getum plokkað stig af öllum og þetta er opið,“ sagði Óli. Hrollurinn farinn Valsmenn sýndu gestum sínum frá Ísafirði mikinn höfðingskap og afhentu þeim skjöld til minningar um fyrsta leikinn í efstu deild. Valur sýndi samt litla gestrisni þegar leikurinn var hafinn. „Síðan voru þeir ekkert almennilegir, nema eftir leik,“ sagði Óli hlæjandi. Hann trúir því að Harðarmenn séu lausir við mesta hrollinn og mæti tilbúnir til leiks í kvöld. „Ég vona það, að við getum sýnt okkar leik. Það býr meira í okkur en við sýndum gegn Val,“ sagði Óli að endingu. Olís-deild karla Hörður Ísafjarðarbær Mest lesið Rio Ferdinand lagður inn á sjúkrahús Enski boltinn Lærisveinn Hannesar í tveggja ára bann fyrir hrottalegt brot Handbolti Lögreglan réðst inn á heilsugæslustöð til að komast yfir gögn um Maradona Fótbolti Sýking ógnaði ferli Kristófers: „Algjört kraftaverk að þetta hafi ekki farið verr“ Íslenski boltinn Segir að klukkan tifi hjá Arteta: „Arsenal þarf að vinna“ Fótbolti Trump: HM í fótbolta 2026 ætti að hvetja Rússa til að enda Úkraínustríðið Fótbolti Reynsluboltinn verður nýliði í Síkinu í kvöld Körfubolti „Ekkert lið í þessari keppni hefur verið betra en við“ Fótbolti Gætu þurft að bíða í sautján ár eftir nýjum leikvangi Enski boltinn Fá vel greitt fyrir sjö manna bolta: „Þarf að rifja upp hvaða reglur gilda“ Fótbolti Fleiri fréttir Haukar fá einn markahæsta mann deildarinnar Lærisveinn Hannesar í tveggja ára bann fyrir hrottalegt brot Dagur líka með sína stráka á sigurbraut Uppgjörið: Bosnía-Ísland 25-34 | Toppsætið tryggt hjá strákunum okkar Alfreð kom Þjóðverjum á EM Önnur landsliðskona leysir Þóreyju Rósu af hólmi Fjalla um ráðningu Þóris: Séní sem á að hjálpa Íslandi Hópurinn gegn Bosníu: Reynir þarf að bíða eftir fyrsta landsleiknum „Þessi vegferð hefur verið draumi líkust“ Haukarnir byrjaðir að fylla í skarð Elínar Klöru Aldís Ásta frábær í fyrsta úrslitaleiknum um titilinn Haukakonur í lokaúrslitin á móti Val Bjarki kallaður inn í landsliðið Sólveig Lára hætt með ÍR Gríðarlega spenna á toppnum en stórleikur Viggós dugði ekki til „Borgar þrjátíu en færð hundrað prósent“ Kolstad rétti úr kútnum og komst í úrslit Lærisveinar Arnórs laumuðu sér upp fyrir lið Guðmundar Þórir ráðinn til HSÍ Mætir bróður sínum í úrslitum: „Staðfestur titill á okkar heimili“ Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Haukur meistari í Rúmeníu „Verður svakalegur leikur“ Gísli og Ómar drógust gegn meisturunum Sjáðu sigurmark Gísla gegn Veszprém Janus Daði öflugur þegar Pick Szeged féll naumlega úr keppni Viggó og Andri Már frábærir í sigrum sinna liða Sjá meira
Hörður steinlá fyrir Val, 38-28, í fyrsta leik sínum í efstu deild á föstudaginn. Harðarmenn fá annað tækifæri til að ná í sín fyrstu stig í efstu deild þegar KA-menn koma í heimsókn í 3. umferð Olís-deildarinnar klukkan 18:00 í kvöld. „Það er allt að smella. Við erum mjög spenntir, það eru auglýsingar um allt í bænum og mikið rætt við okkur um leikinn og tímabilið,“ sagði Óli í samtali við Vísi í morgun. Þrefaldir meistarar Vals sýndu Herði enga miskunn í jómfrúarleik þeirra og voru þrettán mörkum yfir í hálfleik, 22-9. Harðarmenn sneru þó bökum saman og unnu seinni hálfleikinn með þremur mörkum. Tíu marka tap var samt niðurstaðan úr þessum sögulega leik. Leikmenn Harðar koma úr ýmsum áttum.vísir/hulda margrét „Þetta var smá blaut tuska í andlitið. Við ætluðum að gefa þeim aðeins meiri leik en þetta en það var einhver skjálfti í okkur. Hann verður að vera farinn núna,“ sagði Óli sem skoraði fyrsta mark Harðar í leiknum gegn Val, og þar með fyrsta mark liðsins í efstu deild. „Það er mjög skemmtilegt að eiga það,“ sagði Óli sem hefur búið á Ísafirði í sex ár. Hann er sjálfur af mölinni og lék með Gróttu og Þrótti áður en hann flutti vestur. Kona hans er frá Ísafirði og þau hafa komið sér vel fyrir þar. Fimm ára markmiðið náðist á þremur árum Uppgangur Harðar hefur verið með ólíkindum en tímabilið 2019-20 endaði liðið í neðsta sæti 2. deildar. Óli hefur verið fyrirliði Harðar á þessum miklu uppgangsárum en upprisa félagsins hófst þegar Spánverjinn Carlos Martin Santos var ráðinn þjálfari þess. „Þegar Carlos kom ákváðum við að leggja aðeins meira púður í þetta og fengum tvo erlenda leikmenn með Íslendingunum. Upphaflega var þetta fimm ára plan en það náðist á þremur árum,“ sagði Óli. Óli reynir skot að marki Vals.vísir/hulda margrét Ekki verður annað sagt en leikmannahópur Harðar sé fjölbreyttur en í honum eru leikmenn frá níu löndum. Þrátt fyrir það segir Óli að hópurinn sé samstilltur og búseta erlendu leikmanna Harðar spilar þar inn í. „Fimm leikmenn leigja í húsinu hjá mér og hinir fjórir eru í öðru húsi. Við erum eiginlega alltaf saman,“ sagði Óli og bætti því við að það gæti verið hentugt að búa undir sama þaki og liðsfélagar sínir. „Það hefur alveg komið fyrir að þegar ég er í vinnunni og konan þarf að fara eitthvað að leikmaður hoppi í barnapössun. Ég held að þetta sé einsdæmi.“ Sigur ÍR tvíeggja sverð Markmið Harðar er einfalt; að vera réttu megin við fallstrikið og spila í Olís-deildinni á næsta tímabili. „Það er stefnan. Við kunnum alveg handbolta og það sást alveg í seinni hálfleiknum gegn Val, þótt leikurinn hafi verið búinn. Við þurfum bara að byggja ofan á það og þá getum við staðið í hverjum sem er. Það sást í síðustu umferð að hvaða lið getur unnið hvaða lið sem er,“ sagði Óli og vísaði til óvænts sigurs ÍR á Haukum. Carlos Martin Santos hefur náð framúrskarandi árangri með Hörð.vísir/hulda margrét Hann segir að þau úrslit hafi aukið trú Harðarmanna á að þeir sjálfir gætu sótt stig. En þar með voru jákvæðu afleiðingar sigurs ÍR-inga fyrir Harðarmenn upptalin. „Þau hjálpuðu okkur ekki heldur. Ekki að Valsmenn hafi ætlað að vanmeta okkur en það voru engar líkur á því eftir að Haukar fengu skell gegn ÍR. En þá sá maður að við getum plokkað stig af öllum og þetta er opið,“ sagði Óli. Hrollurinn farinn Valsmenn sýndu gestum sínum frá Ísafirði mikinn höfðingskap og afhentu þeim skjöld til minningar um fyrsta leikinn í efstu deild. Valur sýndi samt litla gestrisni þegar leikurinn var hafinn. „Síðan voru þeir ekkert almennilegir, nema eftir leik,“ sagði Óli hlæjandi. Hann trúir því að Harðarmenn séu lausir við mesta hrollinn og mæti tilbúnir til leiks í kvöld. „Ég vona það, að við getum sýnt okkar leik. Það býr meira í okkur en við sýndum gegn Val,“ sagði Óli að endingu.
Olís-deild karla Hörður Ísafjarðarbær Mest lesið Rio Ferdinand lagður inn á sjúkrahús Enski boltinn Lærisveinn Hannesar í tveggja ára bann fyrir hrottalegt brot Handbolti Lögreglan réðst inn á heilsugæslustöð til að komast yfir gögn um Maradona Fótbolti Sýking ógnaði ferli Kristófers: „Algjört kraftaverk að þetta hafi ekki farið verr“ Íslenski boltinn Segir að klukkan tifi hjá Arteta: „Arsenal þarf að vinna“ Fótbolti Trump: HM í fótbolta 2026 ætti að hvetja Rússa til að enda Úkraínustríðið Fótbolti Reynsluboltinn verður nýliði í Síkinu í kvöld Körfubolti „Ekkert lið í þessari keppni hefur verið betra en við“ Fótbolti Gætu þurft að bíða í sautján ár eftir nýjum leikvangi Enski boltinn Fá vel greitt fyrir sjö manna bolta: „Þarf að rifja upp hvaða reglur gilda“ Fótbolti Fleiri fréttir Haukar fá einn markahæsta mann deildarinnar Lærisveinn Hannesar í tveggja ára bann fyrir hrottalegt brot Dagur líka með sína stráka á sigurbraut Uppgjörið: Bosnía-Ísland 25-34 | Toppsætið tryggt hjá strákunum okkar Alfreð kom Þjóðverjum á EM Önnur landsliðskona leysir Þóreyju Rósu af hólmi Fjalla um ráðningu Þóris: Séní sem á að hjálpa Íslandi Hópurinn gegn Bosníu: Reynir þarf að bíða eftir fyrsta landsleiknum „Þessi vegferð hefur verið draumi líkust“ Haukarnir byrjaðir að fylla í skarð Elínar Klöru Aldís Ásta frábær í fyrsta úrslitaleiknum um titilinn Haukakonur í lokaúrslitin á móti Val Bjarki kallaður inn í landsliðið Sólveig Lára hætt með ÍR Gríðarlega spenna á toppnum en stórleikur Viggós dugði ekki til „Borgar þrjátíu en færð hundrað prósent“ Kolstad rétti úr kútnum og komst í úrslit Lærisveinar Arnórs laumuðu sér upp fyrir lið Guðmundar Þórir ráðinn til HSÍ Mætir bróður sínum í úrslitum: „Staðfestur titill á okkar heimili“ Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Haukur meistari í Rúmeníu „Verður svakalegur leikur“ Gísli og Ómar drógust gegn meisturunum Sjáðu sigurmark Gísla gegn Veszprém Janus Daði öflugur þegar Pick Szeged féll naumlega úr keppni Viggó og Andri Már frábærir í sigrum sinna liða Sjá meira
Sýking ógnaði ferli Kristófers: „Algjört kraftaverk að þetta hafi ekki farið verr“ Íslenski boltinn
Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita
Sýking ógnaði ferli Kristófers: „Algjört kraftaverk að þetta hafi ekki farið verr“ Íslenski boltinn