Arteta vonast eftir að fá fleiri leikmenn

Arsenal hefur verslað leikmenn fyrir um það bil 120 milljónir punda og eru þar á meðal öflugir leikmenn á borð við Gabriel Jesus, Oleksandr Zinchenko og Fabio Vieira.

„Við erum enn að vonast eftir að gera meira en það veltur á því að markaðurinn leyfi okkur það. Það eru ýmsar þreifingar í gangi þessa dagana,“ sagði Arteta.

Lið Arteta hefur litið afar vel út á undirbúningstímabilinu og unnið stórsigra á Sevilla (6-0) og Chelsea (4-0). 

„Við viljum ná fullkomnu jafnvægi og ná þeim leikmönnum sem við höfðum áætlun um að ná. Hvort okkur takist það verður að koma í ljós,“ segir Arteta.