Sigga Beinteins og Karl Orgeltríó gáfu út lagið Reykjavík brennur í gær og í dag frumsýna þau tónlistarmyndband við lagið. Karl Olgeirsson í tríóinu segir lag og texta vera „í miklum 80s stíl“ og að það sé kraftmikið afturhvarf til nýbylgju og nýrómantíkur.
Hér fyrir neðan má sjá tónlistarmyndbandið:
Að sögn Karls Olgeirssonar er lagið „nokkurskonar afturhvarf til uppruna Siggu þegar hún var í rokkhljómsveitinni Kikk.“ Þá sagði Karl frá því að kvikmyndagerðarkonurnar Ásta Jónína og Signý Rós hafi gert myndbandið fyrir hljómsveitina á eldgamla vídeóupptökuvél „til að fanga stemninguna.“
