Íslensk hönnun, vintage flíkur og skrjáfandi jakki á Söngvakeppninni

Sigurdrottningarnar voru glæsilega klæddar en þær klæddust bæði gömlu og nýju.

Sigga klæddist samfesting frá Hildi Yeoman, Elín Ey klæddist buxum, vesti og skyrtu úr frá Massimo Dutti og Beta klæddist einnig flíkum úr Spútnik. Eins og kom fram á Vísi í síðustu viku ætla þær að breyta um klæðnað fyrir Eurovision keppnina á Ítalíu í maí. 

Reykjavíkurdætur klæddust hönnun eftir Sól Hansdóttir en innblásturinn var „kvenkyns erkitýpur“. Sól segir að þær hafi ekki verið einfaldaðar til að passa innan erkitýpunnar sinnar heldur hafi hún nýtt þá hugmyndafræði til að sýna hversu ólíkar þær séu. Þær hafi allar sína veikleika og styrkleika, en saman séu þær sterkastar.

Steinunn:

„Steinunn er móðir hópsins og er mjög jarðtengd. Hún er tengd við silfur, steina og ál, sem var meira óhefðbundið efni sem var notað í hennar looki. En Steinunn var tengd við einhverskonar heilagleika og visku, hún bar kórónu úr álpappír og buxur hennar báru hundruð strimla úr álteppi. En álpappírinn er líka ‚refereance‘ í aðra framúrskarandi kvenkyns hljómsveit; Grýlurnar. Toppurinn hennar var úr silfruðu silki og var sniðið á toppnum mótað eftir fundnum steinum og grjóti,“ segir Sól.

Dísa:

„Dísa er eldur. Hún er tengd við rauðan, ástríða og sterk nærvera, hún er smá púki og var kopar notaður í lookið sem tenging við eldinn. Hún er krókótt og kná og í gæti orðið hættuleg en krefst athygli og tekur yfir sviðið,“ segir Sól.

Ragga:

„Ragga er tungl. Lookið hennar er límónu, föl gult og á að tákna mánaskin. Hún er í einfaldara looki en líkt og tunglið sker hún sig úr með nánast looki sem nánast endurvarpar ljósunum á sviðinu líkt og tungl á næturhimni. Hún er maðurinn á tunglinu, hún er mysterísk en skín skært. Hún ber brynju úr handgerðu resini sem er mótað til að líkjast einhverskonar mánaðasteinum. Hún skín í gegnum brynjuna,“ segir Sól

Það er áhugavert að tengja við hvern klæðnað á restinni af meðlimum hljómsveitarinnar. Blær tengd við vatn og gegnsæi, Salka tengd við mysteríu, Steiney tengd við loft við vind, Þura tengd við gull og Karitas tengd við gróður og sveppi.

Katla vakti athygli fyrir glæsilega dragt en hún var sérsaumuð á hana af Berglindi Magnúsdóttur klæðskera. Innblástur dragtarinnar var David Bowie og 60‘s áratugurinn. Aðspurð hvaðan skartið var segir Katla að hún hafi gert flesta sjálf. 

„Ég er svona áhugaskartgripagerðakona, ef það er orð. Og svo gerði ég hálsmenið líka.“  

Katla deildi með hálsmeninu með áhorfendum síðasta laugardag. Á meninu er giftingarhringur föður hennar Njál Þórðarson tónlistarmanni en hann féll frá aðeins 44 ára gamall eftir baráttu við krabbamein.

Stefán Óli og teymið hans vildu vekja athygli á lágstemmdan máta en allir meðlimir teymisins voru svartklæddir. Stefán segist svosem ekki hafa verið mikið í ákvörðunum hvað það varðar en var ánægður með útkomuna. Ég var sjálfur hluti af hans teymi og ákvað snemma að allir í hópnum ættu að vera svartklæddir.

„Hugmyndin um ljósið voru að skilaboðin, röddin og grafíkin í atriðinu mundi vera spila stórt hlutverk í atriðinu.“

Við Ellen Lofts stílisti vorum mjög samstíga í þróuninni varðandi klæðnað. Á undanúrslitunum var jakkinn sem Stefán klæddist redding á síðustu sekúndu en jakkinn sem hafi verið valinn olli tæknilegum örðugleikum. 

„Það var búinn að redda svaka flottum og rándýrum jakka fyrir stóru kvöldin, en eitthvað varð til þess að ég heyrði bara skrjáf í eyrnahátölurunum eða „in ear“ og við gátum ekki fundið út úr því hvað varð til þess fyrr en ég fór úr jakkanum.“

Stefán klæddist skóm og buxum úr Selected og gervi-leðurs skyrtan var lánflík frá stílista.

Bakraddir Stefáns, tónlistarmaðurinn og einn höfunda lagsins Birgir Steinn og Helga Ingibjörg klæddust einnig svörtu. Birgir Steinn klæddist Le Daux, skóm frá Valentino og skart frá Sign og Helga Ingibjörg var í samfesting frá Andrea by Andrea, jakka frá Acne Studios og skart frá Sign.

Hjartaknúsarinn Már Gunnarsson vann hjörtu landsmanna á kvöldinu sem og í hvert skipti sem hann opnar á sér munninn annars staðar. Hann var klæddur í glæsileg jakkaföt frá Kormáki og Skildi. 

Ísold var í hönnun eftir Sædísi Ýr fatahönnuð en hún segir að innblásturinn hafi meðal annars komið frá outfittum sem Liza Minelli og Grace Jones klæddust.