Donna lærði að sörfa þrátt fyrir að kunna ekki að synda

Stefán Árni Pálsson skrifar 28. janúar 2022 14:31

Donna Cruz stóð sig eins og hetja í kennslunni.

„Kostirnir við þetta voru þeir að þetta var mjög gaman. Gallarnir voru þeir að ég dó nærum því,“ segir leikkonan og samfélagsmiðlastjarnan Donna Cruz sem var fyrsti gesturinn í nýju þáttum Alex From Iceland sem hófu göngu sína á Stöð 2+ í gær.

Hún fékk það verkefni að læra sörfa þrátt fyrir að kunna ekki að synda.

„Ég var ekkert eðlilega hrædd og ég er mjög stolt af mér.“

Í þáttunum í vetur koma fram þau Áslaug Arna, Villi Neto, Jógvan Hansen, Lil Curly, Donna Cruz og fleiri fara einnig á vit ævintýranna með Alex Michael Green. Þættirnir eru framleiddir af Skot Production fyrir Stöð 2+.

Hér að neðan má sjá brot úr síðasta þætti.

Alex from Iceland