Búast við því að Microsoft haldi leikjum aðgengilegum í PlayStation Samúel Karl Ólason skrifar 20. janúar 2022 11:41 Leikir Activision eru mjög vinsælir meðal eigenda PlayStation. EPA/KIMIMASA MAYAMA Forsvarsmenn Sony, framleiðendur PlayStation leikjatölvunnar, segjast búast við því að Microsoft muni standa við samninga og tryggja áfram að tölvuleikir Activision Blizzard verði áfram aðgengilegir á PlayStation. Þetta kemur fram í yfirlýsingu talsmanns Sony til Wall Street Journal (áskriftarvefur) og er það í fyrsta sinn sem eitthvað berst frá fyrirtækinu um kaup Microsoft á Activision Blizzard. Miklar vendingar urðu á markaði leikjaframleiðenda fyrr í vikunni þegar Microsoft opinberaði að búið væri að skrifa undir samkomulag um að tæknirisinn myndi kaupa leikjafyrirtækið Activision Blizzard. Microsoft var þegar meðal stærstu leikjafyrirtækja heims og það var AB sömuleiðis. Microsoft ætlar að kaupa Activision Blizzard á 68,7 milljarða dala, sem samsvarar tæplega níu þúsund milljörðum króna. Eins og margir vita þá eru Sony og Microsoft í mikilli samkeppni varðandi leikjatölvurnar PlayStation og xBox. Virði hlutabréfa Sony hefur lækkað eftir að kaupsamningurinn var opinberaður og þá að miklu leyti vegna ótta fjárfesta við það að gífurlega vinsælir leikir AB eins og Call of Duty, Overwatch og fleiri, verði ekki aðgengilegir á PlayStation í framtíðinni. Sony hefur lengi átt í miklu samstarfi við Activision. Eins og bent er á í frétt Eurogamer hefur Sony meðal annars tekið mikinn þátt í markaðssetningu Call of Duty leikja og greitt Activision fyrir aukin fríðindi PlayStation eigenda í leikjunum. Í frétt Verge kemur fram að Call of Duty: Black Ops Cold War var næst vinsælasti leikurinn á PS5 leikjatölvum síðasta ár, á eftir Fortnite. Ætla að standa við gildandi samninga Í yfirlýsingu frá Microsoft og Activision til Fjármálaeftirlits Bandaríkjanna segir að Activision muni standa við alla gildandi samninga og ekki standi til að fjarlægja leiki af leikjatölvum þar sem þeir séu þegar aðgengilegir, eins og gert var þegar Microsoft keypti Minecraft. Það er því mjög ólíklegt að leikir eins og Call of Duty: Warzone, sem er gífurlega vinsæll, verði fjarlægður úr PlayStation-tölvum eftir að kaupin ganga í gegn árið 2023. Ómögulegt er þó að segja til um hvað gerist varðandi leiki sem Activision mun gefa út á næstu árum. Vert er að benda á það að eftir að Microsoft keypti Bethesda, sem gerir meðal annars vinsæla leiki eins og Elder Scrolls og Fallout, var tilkynnt að Starfield, næsti leikur fyrirtækisins, verði einungis aðgengilegur í xBox og PC. Forstjóri Microsoft Gameing hefur sömuleiðis gefið í skyn að það muni einnig eiga við um næsta Elder Scrolls 6. Leikjavísir Microsoft Sony Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Símtal á lágpunkti úti í London breytti öllu Lífið Halla á Hellisheiði með viðskiptakonum Lífið Fleiri fréttir CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Þetta kemur fram í yfirlýsingu talsmanns Sony til Wall Street Journal (áskriftarvefur) og er það í fyrsta sinn sem eitthvað berst frá fyrirtækinu um kaup Microsoft á Activision Blizzard. Miklar vendingar urðu á markaði leikjaframleiðenda fyrr í vikunni þegar Microsoft opinberaði að búið væri að skrifa undir samkomulag um að tæknirisinn myndi kaupa leikjafyrirtækið Activision Blizzard. Microsoft var þegar meðal stærstu leikjafyrirtækja heims og það var AB sömuleiðis. Microsoft ætlar að kaupa Activision Blizzard á 68,7 milljarða dala, sem samsvarar tæplega níu þúsund milljörðum króna. Eins og margir vita þá eru Sony og Microsoft í mikilli samkeppni varðandi leikjatölvurnar PlayStation og xBox. Virði hlutabréfa Sony hefur lækkað eftir að kaupsamningurinn var opinberaður og þá að miklu leyti vegna ótta fjárfesta við það að gífurlega vinsælir leikir AB eins og Call of Duty, Overwatch og fleiri, verði ekki aðgengilegir á PlayStation í framtíðinni. Sony hefur lengi átt í miklu samstarfi við Activision. Eins og bent er á í frétt Eurogamer hefur Sony meðal annars tekið mikinn þátt í markaðssetningu Call of Duty leikja og greitt Activision fyrir aukin fríðindi PlayStation eigenda í leikjunum. Í frétt Verge kemur fram að Call of Duty: Black Ops Cold War var næst vinsælasti leikurinn á PS5 leikjatölvum síðasta ár, á eftir Fortnite. Ætla að standa við gildandi samninga Í yfirlýsingu frá Microsoft og Activision til Fjármálaeftirlits Bandaríkjanna segir að Activision muni standa við alla gildandi samninga og ekki standi til að fjarlægja leiki af leikjatölvum þar sem þeir séu þegar aðgengilegir, eins og gert var þegar Microsoft keypti Minecraft. Það er því mjög ólíklegt að leikir eins og Call of Duty: Warzone, sem er gífurlega vinsæll, verði fjarlægður úr PlayStation-tölvum eftir að kaupin ganga í gegn árið 2023. Ómögulegt er þó að segja til um hvað gerist varðandi leiki sem Activision mun gefa út á næstu árum. Vert er að benda á það að eftir að Microsoft keypti Bethesda, sem gerir meðal annars vinsæla leiki eins og Elder Scrolls og Fallout, var tilkynnt að Starfield, næsti leikur fyrirtækisins, verði einungis aðgengilegur í xBox og PC. Forstjóri Microsoft Gameing hefur sömuleiðis gefið í skyn að það muni einnig eiga við um næsta Elder Scrolls 6.
Leikjavísir Microsoft Sony Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Símtal á lágpunkti úti í London breytti öllu Lífið Halla á Hellisheiði með viðskiptakonum Lífið Fleiri fréttir CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira