Lukaku tekinn úr leikmannahópi Chelsea gegn Liverpool

SkySports segir frá því í morgun að Lukaku hafi verið tekinn úr hópnum án þess að gefin hafi verið sérstök útskýring fyrir því. 

Belginn stóri og stæðilegi skoraði eina mark Chelsea í jafntefli gegn Brighton í síðustu umferð og skoraði og lagði upp mark í 1-3 sigri á Aston Villa á öðrum degi jóla.

Ekki er um kórónuveirusmit að ræða hjá Lukaku en hann fékk veiruna um miðjan desember og missti af þremur leikjum Chelsea vegna þessa.

Hins vegar gagnrýndi Lukaku knattspyrnustjóra sinn, Thomas Tuchel, opinberlega á dögunum og má leiða að því líkum að það sé ástæðan fyrir fjarveru Lukaku í leik dagsins, sem er gríðarlega mikilvægur fyrir Chelsea.