Förðunarráð og innblástur frá HI beauty fyrir gamlárskvöld

Steinar Steinar Steinar!

Látlaus augnförðun og fullt af steinum er lúkk sem við erum að sjá mikið af núna korter í gamlárs.

Við mælum með að nota sanseraðan augnskugga yfir allt augnlokið og raða síðan steinum í mismunandi stærð og áferð útum allt!

Til að ná fram fullkomnum ljóma á augnlokinu líkt og á myndinni hér að neðan er hægt að nota LES 4 OMBRES N°5 augnskuggapallettuna frá Chanel. Hægt er síðan að kaupa steina í flestum föndurbúðum.

Til að setja punktinn yfir i-ið mælum við síðan með því að nota stök augnhár frá Eylure.

Dökk sultry augu og nude varir

Köldu tónarnir í augnförðunum eru að koma með „comeback“ og við erum að elska það. Hér er grár augnskuggi dreginn út að gagnauga og steinar settir í kringum augnumgjörðina. Hér eru dökk augu pöruð saman við látlausan nude varalit fyrir fullkomna gamlársförðun.

Augnskuggapallettan sem við mælum með til að ná fram þessu „sultry lúkki“ er Hypnose augnskuggapalletta númer 14 frá Lancome. Liturinn á pallettunni heitir líka Smokey Chic. 

Fyrir fullkomnar nude varir mælum við síðan með Varalitnum L’ Absolu Rouge Hydrating Shaping Lipcolor í litnum 250 Beige Mirage frá Lancome.

Litaður eyeliner og ljómi

Það er svo gaman að blanda saman litum og glimmer.

Grænn augnblýantur er hér tekinn og smudge-aður út í spíss, skyggingin er mjög létt til að ramma inn augað og glimmer sett yfir allt augnlokið. Ótrúlega einfalt & fallegt. Flott er að para augnblýantinn í stíl við áramótadressið.

Fyrir fallegan grænan eyeliner mælum við með Drama Liqui blýantinum frá Lancome í litnum 03 Green Metropolitan.

Fyrir ljómandi augnskugga mælum við með Shimmer Down Pigmentinu frá NYX í litnum Platinum.

Þunnur eyeliner og glimmer

Falleg neautral brún augu, glimmer og þunnur eyeliner. Myndbandið sýnir ofureinfalt lúkk sem allir eiga að geta hermt eftir.

Fyrir fullkominn brúnan krem augnskugga mælum við með Paint Pot frá Mac í litnum Groundwork. 

Fyrir glimmer mælum við með undurfagra glimmerinu frá Mac í litnum Reflects Pearl.