Steinar Fjeldsted kennir krökkum að rappa

Steinar Fjeldsted sem flestir þekkja úr hljómsveitinni Quarashi hefur svo sannarlega nóg að gera um þessar mundir en fyrir skömmu stofnaði hann tónlistarskólann PÚLZ. 

Bú er komið að því að Steinar ætlar að miðla reynslu sinni og vera með námskeið í rapp, textagerð og framkomu.

„Mig hefur lengi langað að vera með svona námskeið og það er virkilega gaman að geta miðla reynslu sinni. Mér þykir ótrúlega gaman að vinna með krökkum og ég ætla að leggja allt í þetta námskeið.”

Farið verður yfir lengd takta (bars) og hvernig textinn passar taktinum hverju sinni. Við skoðum hvernig á að beita orðum á réttum stöðum (punchlines), fara frá rappi yfir í viðlag, flæði kannað og grunnur lagður að haldbærri kunnáttu á rímum. Einnig verður farið yfir framkomu, en rapp hefur ávallt verið tónlist tjáningar og er framkoma stór partur af henni. Tilbúnir taktar verða í boði Púlz sem henta sérstaklega byrjendum. Einnig verður hægt að búa til sína eigin takta með aðstoð leiðbeinanda, sem passa við textann og flæðið. 

Námskeiðið er fyrir alla sem hafa áhuga á að ná skilning og færni í textagerð, samsetningu orða og rappi/flæði og framkomu Námskeiðið fer fram dagana 13. – 17. september og kostar 16.900 kr fyrir alla vikuna. Námskeiðið er fyrir stelpur og stráka á aldrinum 9 – 12 ára og frem fram í Faxafeni 10 í Reykjavík kl 16:15 – 17:15. Hægt er að skrá á námskeiðið á vefsíðu www.pulz.is og HÉR

Fylgstu með PÚLZ á Facebook og Instagram

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.