Fjórir úrvalsdeildarslagir í 32-liða úrslitum enska deildarbikarsins

Alls eru fjórir úrvalsdeildarslagir á dagskrá í 32-liða úrslitum. Chelsea mætir Aston Villa, Liverpool og Norwich eigast við, Wolves fær annað tækifæri til að vinna Tottenham eftir tap um liðna helgi og Manchester United mætir West Ham.

Eins og áður segir mæta Englandsmeistarar Manchester City liði Wycombe Wanderers, og Arsenal mætir einnig C-deildarliði þegar þeir kljást við AFC Wimbeldon.

Jón Daði Böðvarsson og félagar í Millwall fá erfitt verkefni, en þeir mæta Leicester og Jóhann Berg og félagar í Burnley mæta D-deildarliði Rochdale.

Dráttinn má sjá í heild sinni hér fyrir neðan, en leikirnir verða spilaðir eftir mánuð.