Viktor Gísli og félagar áfram í danska bikarnum

GOG var með mikla yfirburði í fyrri hálfleik og náðu fljótlega afgerandi forskoti. Þegar að gengið var til búningsherbergja eftir fyrri hálfleik var munurinn átta mörk, 18-10.

Viktor Gísli og félagar slökuðu aðeins á í seinni hálfleik og Ringsted kroppaði aðeins í forskotið. Brekkan reyndist þó of brött og þrátt fyrir að Ringsted hafi skorað 18 mörk í seinni hálfleik dugði það ekki nema til að minnka muninn í fjögur mörk.

Lokatölur 32-28 og Viktor Gísli og félagar eru því komnir áfram í átta liða úrslit.