Menningarborgin Beirút lifnar við að nýju Heimsljós 6. júlí 2021 13:33 Frá hátíðinni um helgina. UNESCO Ísland styrkir menningarlíf í Beirút. Um nýliðna helgi fór fram TERDAD listahátíðin í Beirút en hátíðin var sérstaklega styrkt með framlagi frá Íslandi í þeim tilgangi að endurlífga menningarlíf borgarinnar eftir sprenginguna miklu í ágústmánuði á síðasta ári. Listahátíðin um helgina er hluti af átaksverkefni sem UNESCO hleypti af stokkunum eftir sprenginguna og kallast LeBeirut Initiative. Hátíðin stóð yfir í þrjá daga og þótti takast með afbrigðum vel. Alls tóku um 200 listamenn þátt í hátíðinni, fjöldi sýninga var í borginni og listviðburðir af ýmsu tagi, meðal annars dans, leiklist, kvikmyndalist, tónlist og teiknimyndasögur – allt til marks um endurreisn skapandi starfsemi í borginni. Framlag Íslands, fimmtán milljónir króna, var einmitt nýtt í því skyni að styðja við bakið á listamönnunum sjálfum og menningarsamtökum á sviði leiklistar, sviðslista, tónlistar og kvikmynda. „Á meðal þeirra svæða sem urðu eyðileggingu að bráð voru samfélög og miðstöðvar hins skapandi hagkerfis borgarinnar, Menningarlíf og sköpun eru þungamiðja í því að endurreisa þolgóð samfélög. Þetta fjárframlag greiðir götuna fyrir því markmiði,“ sagði Ernesto Ottone aðstoðarforstjóri UNESCO í frétt á vef stofnunarinnar síðastliðinn vetur þegar tilkynnt var um framlag Íslands til átaksins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Sprenging í Beirút Líbanon Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Segir nafn Trumps vera í Epstein-skjölunum Erlent Leigubílstjórar ósáttir við lokun skúrsins: „Aumingjaskapur í þeim“ Innlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Strætó dældi milljónum í öryggisgæslu í Mjódd Innlent
Um nýliðna helgi fór fram TERDAD listahátíðin í Beirút en hátíðin var sérstaklega styrkt með framlagi frá Íslandi í þeim tilgangi að endurlífga menningarlíf borgarinnar eftir sprenginguna miklu í ágústmánuði á síðasta ári. Listahátíðin um helgina er hluti af átaksverkefni sem UNESCO hleypti af stokkunum eftir sprenginguna og kallast LeBeirut Initiative. Hátíðin stóð yfir í þrjá daga og þótti takast með afbrigðum vel. Alls tóku um 200 listamenn þátt í hátíðinni, fjöldi sýninga var í borginni og listviðburðir af ýmsu tagi, meðal annars dans, leiklist, kvikmyndalist, tónlist og teiknimyndasögur – allt til marks um endurreisn skapandi starfsemi í borginni. Framlag Íslands, fimmtán milljónir króna, var einmitt nýtt í því skyni að styðja við bakið á listamönnunum sjálfum og menningarsamtökum á sviði leiklistar, sviðslista, tónlistar og kvikmynda. „Á meðal þeirra svæða sem urðu eyðileggingu að bráð voru samfélög og miðstöðvar hins skapandi hagkerfis borgarinnar, Menningarlíf og sköpun eru þungamiðja í því að endurreisa þolgóð samfélög. Þetta fjárframlag greiðir götuna fyrir því markmiði,“ sagði Ernesto Ottone aðstoðarforstjóri UNESCO í frétt á vef stofnunarinnar síðastliðinn vetur þegar tilkynnt var um framlag Íslands til átaksins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Sprenging í Beirút Líbanon Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Segir nafn Trumps vera í Epstein-skjölunum Erlent Leigubílstjórar ósáttir við lokun skúrsins: „Aumingjaskapur í þeim“ Innlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Strætó dældi milljónum í öryggisgæslu í Mjódd Innlent