Hann segir að þessi vika sé eiginlega eins og jólin, því hann er mikill aðdáandi bæði Eurovision og íslenskrar hönnunar. Hann fylgist vel með keppninni og hoppar á milli sýningarstaða HönnunarMars þess á milli.
ÚTILYKT
„Ég fór á event hjá 66°Norður x Fishersund, tvö gjörsamlega stórkostleg og drífandi merki á Íslenskum markaði og íslenskri hönnun. Eventinn var ekki bara fallegur og visual, heldur fræðandi og hálf dáleiðandi. Músíkkinn held ég kom frá íslenskri náttúru, video verkin voru falleg fyrir augun og svo algjört partý fyrir lyktarskynið. Svo þetta tikkaði í öll boxin þessi upplifun, ég vildi eiginlega óska þess að þetta væri áframkeyrandi sýning (kannski er það það) - því ég mundi hvetja alla til að fara og skoða. Ilmurinn eins og hinir frá Fishersund var algjör unaður. Það kom smá Íslandsstolt þarna, ég ætla ekki að ljúga.“
Sjá einnig: 66°Norður og Fischersund hönnuðu ilmvatn innblásið af íslenskri útilykt
SPLASH! - Hildur Yeoman
„Ég er mikill aðdáandi Hildar Yeoman, bíð spenntur eftir unisex fatnaði. Hugarheimurinn hennar er eitthvað svo stórkostlegur og svo er hún sjálf líka bara svo frábær. Ég er alltaf spenntur fyrir því að sjá hvað hún gerir næst svo þykir ómissandi að sjá hennar viðburð.“
Sjá einnig: Innblásin af sólinni, sundferðum og sumarævintýrum
Útskriftarsýning LHÍ - af ásettu ráði
„Það er alltaf gaman að sjá framtíð hönnunar og listar hjá Listarháskólanum. Hef sérstaklega gaman af öllum viðburðum fatahönnunarbraut skólans. Mikilvægt að þessir verðandi listamenn sjá stuðning og áhuga okkar fólksins. Svo er gríðarlega spenntur fyrir því.“
Sjá einnig: Uppskeruhátíð ríflega sjötíu nemenda
Hægt er að kynna sér alla dagskránna á vef HönnunarMars. Hér fyrir neðan má sjá nokkrar myndir sem Helgi tók á frumsýningunni á ÚTILYKT.
