Seinni bylgjan: Teddi velur þungarokkshljómseit skipaða leikmönnum Olís deildarinnar

Theodór Pálmason, eða Teddi Ponza eins og hann er kallaður var með skemmtilegan lið í Seinni bylgju gærkvöldsins. Teddi sem segist vera eini meðlimur Seinni bylgjunnar með hljómsveitarbakgrunn ákvað að láta reyna á það að setja saman þungarokkshljómsveit Olís deildarinnar.

Útkoman er vægast sagt skrautleg eins og má sjá á meðfylgjandi myndbandi. Hljómsveitina skipa þeir Hergeir Grímsson sem slær taktinn á trommur, Kári Kristján Kristjánsson spilar á gítar og syngur bakraddir, Þrándu Gíslason slær bassann, Gunnar Malmquist er sólógítarleikari og söngvari hljómsveitarinnar er Lárus helgi Ólafsson, eða Euro Lalli eins og strákarnir kalla hann.

Innslagið má sjá í heild sinni hér að neðan, en gaman verður að fylgjast með hvort þessi stórmerkilega hljómsveti komi saman á lokahófi HSÍ.