Azpilicueta segist ekki hafa slegist við Ru­di­ger

Frank Lampard var rekinn sem stjóri Chelsea í byrjun vikunnar og Thomas Tuchel tók við stjórnartaumunum. Daily Telegraph greindi frá því að Cesar og Antonio hafi lent í útistöðum á æfingasvæði félgasins en fyrirliðinn tekur fyrir það.

„Með Toni, þá var ekkert vandamál og við höfum unnið saman síðustu ár. Þessar sögur koma utan frá og við vitum ekki af hverju. Það er ástæðan fyrir því að bæði ég og Tammy tístum,“ sagði Cesar og hélt áfram.

„Það er allt í góðu og þetta gerðist ekki. Það voru ekki nein vandamál og þau eru ekki. Við erum að vinna saman. Eins og aðrir leikmenn, þá stundum ræðum við hlutina sem er eðlilegt.“

„Þegar úrslitin eru ekki að fara eins og þú vilt þá er meiri ákefð en ekkert meira en það,“ sagði Cesar.

Chelsea gerði markalaust jafntefli við Wolves í fyrsta leik Tuchel en þeir mæta Burnley á heimavelli á sunnudag.