Ísland aðili að áskorun um fjölmiðlafrelsi í Úganda Heimsljós 11. janúar 2021 13:47 Frá Kampala í Úganda Wikimedia Commons Ísland hefur gerst aðili að tveimur yfirlýsingum þar sem skorað er á stjórnvöld í Úganda, að tryggja öryggi blaðamanna þar í aðdraganda kosninga Ísland hefur gerst aðili að tveimur yfirlýsingum þar sem skorað er á stjórnvöld í Úganda, mikilvægu samstarfsríki Íslands á sviði þróunarsamvinnu, að tryggja öryggi blaðamanna þar í aðdraganda kosninga. Guðlaugur Þór Þórðarson, utanríkis- og þróunarsamvinnuráðherra, segir nauðsynlegt að standa vörð um fjölmiðlafrelsi. Tryggja verður öryggi blaðamanna í Úganda og stöðu frjálsra og óháðra fjölmiðla í landinu í aðdraganda kosninga sem fara þar fram í næstu viku. Ákalli þar að lútandi er komið á framfæri í tveimur sameiginlegum yfirlýsingum fjölda ríkja sem Ísland hefur gerst aðili enda sé það eitt helsta einkenni lýðræðisríkja að fjölmiðlar fái þar starfað án þess að sæta ofsóknum og hótunum. „Fjölmiðlar gegna lykilhlutverki í lýðræðissamfélögum og frelsi blaðamanna til að leita sannleikans og koma honum á framfæri við almenning er órjúfanlegur þáttur tjáningarfrelsisins. Við skorum þess vegna á stjórnvöld í Úganda að tryggja öryggi þeirra í aðdraganda kosninganna sem þar standa fyrir dyrum,“ segir Guðlaugur Þór Þórðarson utanríkis- og þróunarsamvinnuráðherra. Úganda er mikilvægt samstarfsríki Íslands á sviði þróunarsamvinnu en í þróunarsamvinnuáætlun Íslands fyrir árin 2019-2023, sem Alþingi hefur samþykkt, er lögð áhersla á að horfa til mannréttinda og virðingar fyrir þeim í samstarfsríkjum Íslands. Önnur yfirlýsingin, sem Ísland er aðili að, er gefin út af fimmtán ríkjum sem sendiráð hafa í Kampala og/eða eiga í þróunarsamstarfi við Úganda og er í henni lögð áhersla á mikilvægi komandi kosninga til að tryggja þann árangur sem náðst hafi í landinu á undanförnum árum, í átt að lýðræði, aukinni velsæld, friði og þróun. Ýmislegt sem átt hafi sér stað í kosningabaráttunni geti grafið undan þessari þróun og gegn því verði að sporna. Ísland er jafnframt aðili að fjölmiðlafrelsisbandalagi, Media Freedom Alliance, sem Bretar og Kanadamenn beittu sér fyrir að koma á fót í fyrra og telur nú 37 aðildarríki. Hin yfirlýsingin, sem Ísland hefur gerst aðili að, er sett fram af þessu bandalagi og eiga alls átján ríki aðild að henni. Er þar sérstaklega vikið að hlutverki fjölmiðla og jafnframt skorað á stjórnvöld í Úganda að tryggja að kosningar í landinu 14. janúar geti farið fram með lýðræðislegum hætti og þar sem öryggi allra er tryggt. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Úganda Mest lesið Helgi í Góu og fyrrverandi borguðu brúsann Innlent Albert mættur í dómsal Innlent Silja Björk biður Ingó afsökunar Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent
Ísland hefur gerst aðili að tveimur yfirlýsingum þar sem skorað er á stjórnvöld í Úganda, mikilvægu samstarfsríki Íslands á sviði þróunarsamvinnu, að tryggja öryggi blaðamanna þar í aðdraganda kosninga. Guðlaugur Þór Þórðarson, utanríkis- og þróunarsamvinnuráðherra, segir nauðsynlegt að standa vörð um fjölmiðlafrelsi. Tryggja verður öryggi blaðamanna í Úganda og stöðu frjálsra og óháðra fjölmiðla í landinu í aðdraganda kosninga sem fara þar fram í næstu viku. Ákalli þar að lútandi er komið á framfæri í tveimur sameiginlegum yfirlýsingum fjölda ríkja sem Ísland hefur gerst aðili enda sé það eitt helsta einkenni lýðræðisríkja að fjölmiðlar fái þar starfað án þess að sæta ofsóknum og hótunum. „Fjölmiðlar gegna lykilhlutverki í lýðræðissamfélögum og frelsi blaðamanna til að leita sannleikans og koma honum á framfæri við almenning er órjúfanlegur þáttur tjáningarfrelsisins. Við skorum þess vegna á stjórnvöld í Úganda að tryggja öryggi þeirra í aðdraganda kosninganna sem þar standa fyrir dyrum,“ segir Guðlaugur Þór Þórðarson utanríkis- og þróunarsamvinnuráðherra. Úganda er mikilvægt samstarfsríki Íslands á sviði þróunarsamvinnu en í þróunarsamvinnuáætlun Íslands fyrir árin 2019-2023, sem Alþingi hefur samþykkt, er lögð áhersla á að horfa til mannréttinda og virðingar fyrir þeim í samstarfsríkjum Íslands. Önnur yfirlýsingin, sem Ísland er aðili að, er gefin út af fimmtán ríkjum sem sendiráð hafa í Kampala og/eða eiga í þróunarsamstarfi við Úganda og er í henni lögð áhersla á mikilvægi komandi kosninga til að tryggja þann árangur sem náðst hafi í landinu á undanförnum árum, í átt að lýðræði, aukinni velsæld, friði og þróun. Ýmislegt sem átt hafi sér stað í kosningabaráttunni geti grafið undan þessari þróun og gegn því verði að sporna. Ísland er jafnframt aðili að fjölmiðlafrelsisbandalagi, Media Freedom Alliance, sem Bretar og Kanadamenn beittu sér fyrir að koma á fót í fyrra og telur nú 37 aðildarríki. Hin yfirlýsingin, sem Ísland hefur gerst aðili að, er sett fram af þessu bandalagi og eiga alls átján ríki aðild að henni. Er þar sérstaklega vikið að hlutverki fjölmiðla og jafnframt skorað á stjórnvöld í Úganda að tryggja að kosningar í landinu 14. janúar geti farið fram með lýðræðislegum hætti og þar sem öryggi allra er tryggt. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Úganda Mest lesið Helgi í Góu og fyrrverandi borguðu brúsann Innlent Albert mættur í dómsal Innlent Silja Björk biður Ingó afsökunar Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent