Úganda: Áhyggjur af versnandi stöðu mannréttinda í aðdraganda kosninga Heimsljós 11. janúar 2021 11:13 Skrifstofa mannréttindafulltrúa Sameinuðu þjóðanna segir mörg dæmi um brot á mannréttindum í Úganda í aðdraganda kosninga sem munu fara fram í vikunni. Skrifstofa mannréttindafulltrúa Sameinuðu þjóðanna (OHCHR) hvetur að gefnu tilefni stjórnvöld í Úganda til þess að tryggja frjálsar og friðsamlegar kosningar í vikunni. Í erindinu eru sérstaklega nefndar handtökur frambjóðenda stjórnarandstöðunnar og stuðningsmanna þeirra, auk annarra alvarlegra tilvika í aðdraganda kosninganna. „Við höfum verulegar áhyggjur af versnandi stöðu mannréttinda í Úganda fyrir þing- og forsetakosningar sem fyrirhugaðar eru 14. janúar,“ segir Ravina Shamdasani upplýsingafulltrúi OHCHR og bætir við að áhyggjurnar snúist ekki einvörðungu um kosningadaginn heldur það sem við taki eftir kosningar. Ellefu einstaklingar bjóða sig fram gegn Yoweri Museveni sitjandi forseta sem hefur verið við völd síðastliðin 35 ár, lengur en nokkur annar þjóðhöfðingi í heiminum. Helsti keppinautur hans er leiðtogi stjórnarandstöðunnar og vinsæll reggísöngvari, Bobi Wine, sem heitir raunar Robert Kyagulanyi. Skrifstofa mannréttindafulltrúans segir mörg dæmi um brot á mannréttindum í aðdraganda kosninganna, meðal annars handahófskenndar handtökur, stofufangelsi og pyntingar. Að minnsta kosti 55 einstaklingar létu lífið í átökum og mótmælum dagana 18. og 20. nóvember á síðasta ári en þá hafði Bobi Wine verið handtekinn ásamt Patrick Oboi Amuriat, öðrum leiðtoga stjórnarandstöðuflokks. Ravina Shamdasani segir að Bobi Wine hafi ítrekað verið meint að halda kosningafundi og Oboi Amuriat hafi verið handtekinn á kosningaferðalagi á dögunum og leystur úr haldi gegn tryggingu síðdegis sama dag. Þá lúskri öryggissveitir oft á fréttamönnum sem fjalli um kosningafundi stjórnarandstöðuflokka. Einnig eru sögð brögð að því að samkomutakmarkanir vegna COVID-19 séu rýmri þegar stjórnvöld halda fundi en í tilvikum stjórnarandstöðunnar. „Þetta eykur á áhyggjur og bendir til að COVID-19 aðgerðir séu notaðar sem ástæða til að takmarka frelsi almennings og stjórnmálaþátttöku í aðdraganda kosninga. Við höfum einnig áhyggjur af því að mismunun við framkvæmd slíkra takmarkana hafi leitt til ofbeldis, handahófskenndrar handtöku og farbanns og dæmi eru um pyntingar og illa meðferð af hálfu öryggissveita,“ segir Shamdasani. Ísland gerði samkomulag síðla árs í fyrra við skrifstofu mannréttindafulltrúa Sameinuðu þjóðanna (OHCHR) um stuðning við starf hennar fyrir bættum mannréttindum í heiminum. Úganda er annað tveggja samstarfsríkja Íslands í tvíhliða þróunarsamvinnu. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Úganda Mest lesið Helgi í Góu og fyrrverandi borguðu brúsann Innlent Albert mættur í dómsal Innlent Silja Björk biður Ingó afsökunar Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent
Skrifstofa mannréttindafulltrúa Sameinuðu þjóðanna (OHCHR) hvetur að gefnu tilefni stjórnvöld í Úganda til þess að tryggja frjálsar og friðsamlegar kosningar í vikunni. Í erindinu eru sérstaklega nefndar handtökur frambjóðenda stjórnarandstöðunnar og stuðningsmanna þeirra, auk annarra alvarlegra tilvika í aðdraganda kosninganna. „Við höfum verulegar áhyggjur af versnandi stöðu mannréttinda í Úganda fyrir þing- og forsetakosningar sem fyrirhugaðar eru 14. janúar,“ segir Ravina Shamdasani upplýsingafulltrúi OHCHR og bætir við að áhyggjurnar snúist ekki einvörðungu um kosningadaginn heldur það sem við taki eftir kosningar. Ellefu einstaklingar bjóða sig fram gegn Yoweri Museveni sitjandi forseta sem hefur verið við völd síðastliðin 35 ár, lengur en nokkur annar þjóðhöfðingi í heiminum. Helsti keppinautur hans er leiðtogi stjórnarandstöðunnar og vinsæll reggísöngvari, Bobi Wine, sem heitir raunar Robert Kyagulanyi. Skrifstofa mannréttindafulltrúans segir mörg dæmi um brot á mannréttindum í aðdraganda kosninganna, meðal annars handahófskenndar handtökur, stofufangelsi og pyntingar. Að minnsta kosti 55 einstaklingar létu lífið í átökum og mótmælum dagana 18. og 20. nóvember á síðasta ári en þá hafði Bobi Wine verið handtekinn ásamt Patrick Oboi Amuriat, öðrum leiðtoga stjórnarandstöðuflokks. Ravina Shamdasani segir að Bobi Wine hafi ítrekað verið meint að halda kosningafundi og Oboi Amuriat hafi verið handtekinn á kosningaferðalagi á dögunum og leystur úr haldi gegn tryggingu síðdegis sama dag. Þá lúskri öryggissveitir oft á fréttamönnum sem fjalli um kosningafundi stjórnarandstöðuflokka. Einnig eru sögð brögð að því að samkomutakmarkanir vegna COVID-19 séu rýmri þegar stjórnvöld halda fundi en í tilvikum stjórnarandstöðunnar. „Þetta eykur á áhyggjur og bendir til að COVID-19 aðgerðir séu notaðar sem ástæða til að takmarka frelsi almennings og stjórnmálaþátttöku í aðdraganda kosninga. Við höfum einnig áhyggjur af því að mismunun við framkvæmd slíkra takmarkana hafi leitt til ofbeldis, handahófskenndrar handtöku og farbanns og dæmi eru um pyntingar og illa meðferð af hálfu öryggissveita,“ segir Shamdasani. Ísland gerði samkomulag síðla árs í fyrra við skrifstofu mannréttindafulltrúa Sameinuðu þjóðanna (OHCHR) um stuðning við starf hennar fyrir bættum mannréttindum í heiminum. Úganda er annað tveggja samstarfsríkja Íslands í tvíhliða þróunarsamvinnu. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Úganda Mest lesið Helgi í Góu og fyrrverandi borguðu brúsann Innlent Albert mættur í dómsal Innlent Silja Björk biður Ingó afsökunar Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Fólk fer hreinlega grátandi frá mér“ Innlent „Lærisveinn“ Pélicot sagður hafa beitt sömu aðferðum á eigin konu Erlent Sigurður Helgi Guðjónsson látinn Innlent