Jóhann Gunnar um Barbasinski skottæknina: „Þetta er ákveðin taktík“

Á dögunum fór fram uppgjörsþáttur Seinni bylgjunnar. Þar var farið yfir allt það helsta sem gerðist á leiktíðinni. Sýnd voru skemmtileg tilþrif, helstu klúðrin og margt, margt fleira. Þar á meðal var „Barbasinski-syrpan“ sýnd.

Fyrir þá sem ekki vita, er skotið í gólfið og boltinn á svo að fara upp í þaknetið á markinu. Hins vegar mistekst skotið og boltinn fer yfir, og oft himinhátt yfir, markið.

Þóttist Jóhann Gunnar Einarsson, einn af sérfræðingum Seinni bylgjunnar, aldrei hafa klúðrað skoti á þennan hátt. „Þetta er ákveðin taktík að dúndra ekki í gólfið,“ sagði Jóhann Gunnar um tæknina á bakvið gott „Barbasinski-skot.“

Þetta skemmtilega innslag má sjá í spilaranum hér að neðan.