Það sem leiðtogar geta lært af klósettpappírskaupæðinu Rakel Sveinsdóttir skrifar 21. apríl 2020 09:00 Leiðtogar vilja að síðar meir verði hægt að horfa til baka og hrósa þeim fyrir það hvernig þeim tókst til við að koma fyrirtækinu í gegnum þann samdráttartíma sem framundan er. Hvernig leiðtogi ert þú? Vísir/Getty Leitin af leiðtoganum stendur nú sem hæst. Þetta er tímabilið þar sem starfsfólk horfir til stjórnenda sinna og veltir fyrir sér hversu sterkur sá stjórnandi er sem leiðtogi. Þetta er líka tímabilið þar sem stjórnandinn sjálfur þarf að velta fyrir sér hvernig hann/hún vill að fólk hugsi til sín eftir að kórónukreppunni lýkur og árangurinn af því að koma fyrirtækinu í gegnum ólgusjó liggur fyrir. Að vera stjórnandi og leiðtogi er ekki alltaf það sama þótt mikið mæði á hvoru hlutverkinu fyrir sig. Tveir forstjórar bandarískra fyrirtækja, Larry Dorrie og Ben Ives, segja góða leiðtoga geta lært ýmislegt af klósettpappírskaupæðinu sem gekk yfir vestræn samfélög í mars. Þá flykktist fólk í verslanir og keypti klósettpappír í svo miklu mæli að annað eins hafði aldrei áður sést. Larry Dorrie er forstjóri og einn stofnenda RHUB Communications. Ben Ives er forstjóri fyrirtækisins RapidVisa. Bæði þessi félög hafa náð góðum árangri sem stafræn þjónustufyrirtæki, annað stofnað árið 2005 en hitt árið 2007. Hér eru þau atriði sem þeir benda á til að draga lærdóm af. Liðsheildin fyrst Það sem klósettpappírskaupæðið sýndi er að þegar á reynir, falla ótrúlega margir í þá gryfju að hugsa fyrst og fremst um sjálfan sig. Leiðtogar vilja hins vegar vera þekktir fyrir að hugsa fyrst um liðsheildina. Kaupæðið kenndi okkur að á augnabliki geta þær aðstæður skapast að svo verður um fáa. Í hvorum hópnum ert þú: Hugsar þú um þinn hag fremur en liðsheildarinnar? Að hreinsa upp skítinn Það þarf svo sem engar málalengingar til útskýringar á því til hvers klósettpappír er notaður. Hins vegar er það svo að alls staðar koma upp mál og aðstæður þar sem það síðan lendir á öðrum að reyna að leysa úr eða redda málum. Já, hreinsa upp skítinn myndu sumir segja. Dæmi: Einhver heldur einhverjum rangfærslum fram í fjölmiðlum og áður en þú veist af fer sú saga á flug á samfélagsmiðlum. Það kemur síðan í þinn hlut að reyna að leiðrétta málin eins og kostur er. Hvernig yrðu þín viðbrögð og hvað myndir þú segja um þann sem bar út gróusöguna? Við þessar aðstæður þarf góður leiðtogi alltaf vera málefnalegur og missa ekki sjónar af því hvert markmiðið með hans innleggi er. Góður leiðtogi veltir sér ekki um of hverjum er mest að kenna. Að horfa fram í tímann Leiðtogar vilja að síðar meir verði hægt að horfa til baka og hrósa þeim fyrir það hvernig þeim tókst til við að koma fyrirtækinu í gegnum þann samdráttartíma sem framundan er. Það gera þeir með fyrirhyggju og með því að halda fókus á þeim verkefnum sem þeir geta haft áhrif á í stað þess að eyða orku í þau mál sem eru ekki í þeirra höndum. Þannig var það með klósettpappírinn að á sumum stöðum urðu svæði uppiskroppa. Þeir sem mættu snemma í búðina, náðu birgðum. Þeir sem fóru af stað seint gripu í tómt. Góður leiðtogi vaknar snemma, gefur öðrum gott fordæmi með verkum sínum og er vakandi yfir því hvaða aðstæður kunna að koma upp. Hvers konar fyrirmynd ert þú og hvaða línur ertu að leggja fyrir þitt fólk? Að halda ró sinni Samkvæmt fréttum og sögusögnum um klósettpappírskaupin komu upp tilvik um að fólk hefði hreinlega lent í rimmum við aðra vegna síðustu klósettpappírsbirgðanna í búðarhillum. Í raun er þetta sýnishorn af því hvernig óttaslegið fólk getur brugðist við. Góður leiðtogi veit hins vegar að það þarft alltaf að forðast að láta óttann yfirtaka aðstæður. Geri hann það eru meiri líkur á vonleysi, neikvæðni og verri ákvarðanatökum. Leiðtoginn leyfir óttanum ekki að yfirtaka sig þótt það kosti stundum að draga andann djúpt og telja upp á tíu. Ef áhyggjurnar verða að stýriafli eru minni líkur á að vel takist til á endanum. Hvernig tekst þér að halda ró þinni og sporna við of miklum áhyggjum og kvíða? Að hugsa í lausnum Á þeim svæðum þar sem klósettpappírbirgðir hreinlega kláruðust í stórmörkuðum, tók fólk snemma að leita annarra leiða til að tryggja heimilinu pappír. Það fór á bensínstöðvar, í smávöruverslanir og byggingaverslanir. Það hugsaði í lausnum: Hvaða fyrirtæki önnur koma til greina og hvað annað en klósettpappír er hægt að nota? Þannig getur smá hugvitsemi hleypt okkur langt og stundum þarf líka að takast á við aðstæður með því að hugsa út fyrir boxið. Það vita góðir leiðtogar því þegar öll sund virðast lokuð opnast oft fyrir nýjum og áður óséðum tækifærum. Er eitthvað tækifæri til staðar fyrir þitt fyrirtæki sem ekki hefur verið skoðað áður? Stjórnun Faraldur kórónuveiru (COVID-19) Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Eiginkonan kvartar undan fíflagangi á morgnana Að ná til baka tilfinningunni: Það er gaman í vinnunni Á mannamáli: „Ég er bara einhver „nobody,“ við erum ekki með nein gögn“ Góð ráð til að hvetja starfsfólk til dáða fyrir síðustu spretti ársins Að yfirstíga eitthvað rosalega vandræðalegt atvik Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Sjá meira
Leitin af leiðtoganum stendur nú sem hæst. Þetta er tímabilið þar sem starfsfólk horfir til stjórnenda sinna og veltir fyrir sér hversu sterkur sá stjórnandi er sem leiðtogi. Þetta er líka tímabilið þar sem stjórnandinn sjálfur þarf að velta fyrir sér hvernig hann/hún vill að fólk hugsi til sín eftir að kórónukreppunni lýkur og árangurinn af því að koma fyrirtækinu í gegnum ólgusjó liggur fyrir. Að vera stjórnandi og leiðtogi er ekki alltaf það sama þótt mikið mæði á hvoru hlutverkinu fyrir sig. Tveir forstjórar bandarískra fyrirtækja, Larry Dorrie og Ben Ives, segja góða leiðtoga geta lært ýmislegt af klósettpappírskaupæðinu sem gekk yfir vestræn samfélög í mars. Þá flykktist fólk í verslanir og keypti klósettpappír í svo miklu mæli að annað eins hafði aldrei áður sést. Larry Dorrie er forstjóri og einn stofnenda RHUB Communications. Ben Ives er forstjóri fyrirtækisins RapidVisa. Bæði þessi félög hafa náð góðum árangri sem stafræn þjónustufyrirtæki, annað stofnað árið 2005 en hitt árið 2007. Hér eru þau atriði sem þeir benda á til að draga lærdóm af. Liðsheildin fyrst Það sem klósettpappírskaupæðið sýndi er að þegar á reynir, falla ótrúlega margir í þá gryfju að hugsa fyrst og fremst um sjálfan sig. Leiðtogar vilja hins vegar vera þekktir fyrir að hugsa fyrst um liðsheildina. Kaupæðið kenndi okkur að á augnabliki geta þær aðstæður skapast að svo verður um fáa. Í hvorum hópnum ert þú: Hugsar þú um þinn hag fremur en liðsheildarinnar? Að hreinsa upp skítinn Það þarf svo sem engar málalengingar til útskýringar á því til hvers klósettpappír er notaður. Hins vegar er það svo að alls staðar koma upp mál og aðstæður þar sem það síðan lendir á öðrum að reyna að leysa úr eða redda málum. Já, hreinsa upp skítinn myndu sumir segja. Dæmi: Einhver heldur einhverjum rangfærslum fram í fjölmiðlum og áður en þú veist af fer sú saga á flug á samfélagsmiðlum. Það kemur síðan í þinn hlut að reyna að leiðrétta málin eins og kostur er. Hvernig yrðu þín viðbrögð og hvað myndir þú segja um þann sem bar út gróusöguna? Við þessar aðstæður þarf góður leiðtogi alltaf vera málefnalegur og missa ekki sjónar af því hvert markmiðið með hans innleggi er. Góður leiðtogi veltir sér ekki um of hverjum er mest að kenna. Að horfa fram í tímann Leiðtogar vilja að síðar meir verði hægt að horfa til baka og hrósa þeim fyrir það hvernig þeim tókst til við að koma fyrirtækinu í gegnum þann samdráttartíma sem framundan er. Það gera þeir með fyrirhyggju og með því að halda fókus á þeim verkefnum sem þeir geta haft áhrif á í stað þess að eyða orku í þau mál sem eru ekki í þeirra höndum. Þannig var það með klósettpappírinn að á sumum stöðum urðu svæði uppiskroppa. Þeir sem mættu snemma í búðina, náðu birgðum. Þeir sem fóru af stað seint gripu í tómt. Góður leiðtogi vaknar snemma, gefur öðrum gott fordæmi með verkum sínum og er vakandi yfir því hvaða aðstæður kunna að koma upp. Hvers konar fyrirmynd ert þú og hvaða línur ertu að leggja fyrir þitt fólk? Að halda ró sinni Samkvæmt fréttum og sögusögnum um klósettpappírskaupin komu upp tilvik um að fólk hefði hreinlega lent í rimmum við aðra vegna síðustu klósettpappírsbirgðanna í búðarhillum. Í raun er þetta sýnishorn af því hvernig óttaslegið fólk getur brugðist við. Góður leiðtogi veit hins vegar að það þarft alltaf að forðast að láta óttann yfirtaka aðstæður. Geri hann það eru meiri líkur á vonleysi, neikvæðni og verri ákvarðanatökum. Leiðtoginn leyfir óttanum ekki að yfirtaka sig þótt það kosti stundum að draga andann djúpt og telja upp á tíu. Ef áhyggjurnar verða að stýriafli eru minni líkur á að vel takist til á endanum. Hvernig tekst þér að halda ró þinni og sporna við of miklum áhyggjum og kvíða? Að hugsa í lausnum Á þeim svæðum þar sem klósettpappírbirgðir hreinlega kláruðust í stórmörkuðum, tók fólk snemma að leita annarra leiða til að tryggja heimilinu pappír. Það fór á bensínstöðvar, í smávöruverslanir og byggingaverslanir. Það hugsaði í lausnum: Hvaða fyrirtæki önnur koma til greina og hvað annað en klósettpappír er hægt að nota? Þannig getur smá hugvitsemi hleypt okkur langt og stundum þarf líka að takast á við aðstæður með því að hugsa út fyrir boxið. Það vita góðir leiðtogar því þegar öll sund virðast lokuð opnast oft fyrir nýjum og áður óséðum tækifærum. Er eitthvað tækifæri til staðar fyrir þitt fyrirtæki sem ekki hefur verið skoðað áður?
Stjórnun Faraldur kórónuveiru (COVID-19) Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Eiginkonan kvartar undan fíflagangi á morgnana Að ná til baka tilfinningunni: Það er gaman í vinnunni Á mannamáli: „Ég er bara einhver „nobody,“ við erum ekki með nein gögn“ Góð ráð til að hvetja starfsfólk til dáða fyrir síðustu spretti ársins Að yfirstíga eitthvað rosalega vandræðalegt atvik Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Sjá meira