Albumm

Sveimdrifin, melódísk, kraut-skotin og skyn­villandi

Ritstjórn Albumm skrifar
Hljómsveitin Konsulat.
Hljómsveitin Konsulat.

Hljómsveitin Konsulat fagnaði nýverið útgáfu sjöundu hljómplötu sinnar, no. 7. Um ræðir 6 laga breiðskífu sem rammar inn áhrif og hugmyndir sveitarinnar frá árunum 2019 og 2020.

Tónlist sveitarinnar er lýst svo: „Sveimdrifin, melódísk, kraut-skotin, skynvillandi elektrónísk syntha-pop tónlist sem dregur áhrif frá 7. og 8. áratug Þýskalands.“

„Modular synthar, sequencing og midi routing með hardware græjum“ eru útgangspunktur plötunnar. Öll hljóð plötunnar eru unnin frá grunni úr “sequence-ing” hjarta sveitarinnar. Konsulat hefur áður gefið út breiðskífurnar & rósir, Kolaport, Invaders og Vitaminkur auk stuttskífanna Ormhole og Teque Etiquette.

Þórður Grímsson hljóðblandaði plötuna og Kolbeinn Soffíuson hljóðjafnaði. Hægt er að fylgjast nánar með Konsulat á Facebook og Instagram.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.

Tónlist


Mest lesið




×

Mest lesið


Tarot dagsins

Dragðu spil og sjáðu hvaða spádóm það geymir.