Króatíska liðið var, nokkuð óvænt, með fullt hús stiga þegar kom að leik dagsins en lið Noregs, undir stjórn Þóris Hergeirssonar, hefur staðið fyllilega undir væntingum og átt gott mót.
Jafnræði var með liðunum til að byrja með en Noregur leiddi með einu marki í leikhléi, 14-15.
Í síðari hálfleik sigu þær norsku fram úr örugglega og unnu að lokum ellefu marka sigur, 25-36.
Henny Reistad var markahæst í norska liðinu með sjö mörk og Stine Oftedal kom næst með sex mörk.
