Samstarf þróunarbanka um fjármögnun heimsmarkmiðanna Heimsljós 13. nóvember 2020 13:45 Gunnisal Heimsfaraldur kórónaveiru stefnir heimsmarkmiðunum í hættu. Að mati Efnahags- og framfarastofnunarinnar (OECD) veldur farsóttin því að fjögur þúsund milljarða bandarískra dala skortir á þessu ári til baráttunnar gegn fátækt og hungri. Það þýðir að takmarkið, að uppfylla heimsmarkmiðin sautján fyrir árið 2030, verður fjarlægara en áður. Þetta kom fram á sögulegum fjarfundi fulltrúa 450 þróunarbanka – Finance in Common Summit – sem haldinn var að frumkvæði frönsku ríkisstjórnarinnar í gær með þátttöku Emmanuel Macron Frakklandsforseta, Antónío Guterres aðalframkvæmdastjóra Sameinuðu þjóðanna og Angel Gurría framkvæmastjóra OECD. Á fundinum var samþykkt nær samhljóða yfirlýsing um aðgerðir sem felur í sér stuðning við opinbera aðila og einkaaðila um forgangsröðun fjárfestinga í þágu heimsmarkmiðanna. Angel Gurría framkvæmdastjóri OECD bendir á að 90 af 122 þróunarríkjum hafi gengið í gegnum samdrátt vegna ýmiss konar takmarkana til að hefta útbreiðslu kórónaveirunnar sem hafi bitnað á atvinnulífi, eins og ferðaþjónustu og iðnaði. Einnig hafi utanaðkomandi fjármögnun dregist saman um 700 milljarða dala með samdrætti í fjárfestingum erlendra aðila og peningasendingum brottfluttra. Á sama tíma hafi heimsfaraldurinn kallað á aukna útgjaldaþörf ríkja sem nemur um eitt þúsund milljörðum dala, meðal annars til heilbrigðismála og annarra efnahagslegra úrræða til að bregðast við samfélagslegum áhrifum faraldursins. Mörgum fátækum ríkjum hafi hins vegar ekki tekist að fá lán til að standa undir miklum útgjöldum vegna mikillar skuldsetningar og lélegs lánshæfismats. Mikill samhugur ríkti á fundinum um nauðsyn þess að fjármálastofnanir taki höndum saman um aukna fjármögnun í þágu heimsmarkmiðanna með grænar áherslur að markmiði. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Sameinuðu þjóðirnar Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent
Heimsfaraldur kórónaveiru stefnir heimsmarkmiðunum í hættu. Að mati Efnahags- og framfarastofnunarinnar (OECD) veldur farsóttin því að fjögur þúsund milljarða bandarískra dala skortir á þessu ári til baráttunnar gegn fátækt og hungri. Það þýðir að takmarkið, að uppfylla heimsmarkmiðin sautján fyrir árið 2030, verður fjarlægara en áður. Þetta kom fram á sögulegum fjarfundi fulltrúa 450 þróunarbanka – Finance in Common Summit – sem haldinn var að frumkvæði frönsku ríkisstjórnarinnar í gær með þátttöku Emmanuel Macron Frakklandsforseta, Antónío Guterres aðalframkvæmdastjóra Sameinuðu þjóðanna og Angel Gurría framkvæmastjóra OECD. Á fundinum var samþykkt nær samhljóða yfirlýsing um aðgerðir sem felur í sér stuðning við opinbera aðila og einkaaðila um forgangsröðun fjárfestinga í þágu heimsmarkmiðanna. Angel Gurría framkvæmdastjóri OECD bendir á að 90 af 122 þróunarríkjum hafi gengið í gegnum samdrátt vegna ýmiss konar takmarkana til að hefta útbreiðslu kórónaveirunnar sem hafi bitnað á atvinnulífi, eins og ferðaþjónustu og iðnaði. Einnig hafi utanaðkomandi fjármögnun dregist saman um 700 milljarða dala með samdrætti í fjárfestingum erlendra aðila og peningasendingum brottfluttra. Á sama tíma hafi heimsfaraldurinn kallað á aukna útgjaldaþörf ríkja sem nemur um eitt þúsund milljörðum dala, meðal annars til heilbrigðismála og annarra efnahagslegra úrræða til að bregðast við samfélagslegum áhrifum faraldursins. Mörgum fátækum ríkjum hafi hins vegar ekki tekist að fá lán til að standa undir miklum útgjöldum vegna mikillar skuldsetningar og lélegs lánshæfismats. Mikill samhugur ríkti á fundinum um nauðsyn þess að fjármálastofnanir taki höndum saman um aukna fjármögnun í þágu heimsmarkmiðanna með grænar áherslur að markmiði. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Sameinuðu þjóðirnar Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent