Mánudagsstreymi GameTíví: Spila Rocket League með KR og kíkja svo til Verdansk

Strákarnir í GameTíví fá góða gesti til sín í kvöld. Þeir munu spila leikinn Rocket League með liðsmönnum KR í þeim leik. Þar verður mikill hasar en eftir það munu strákarnir einnig kíkja til Verdansk, í Call of Duty: Warzone.

Þar muni Óli líklega tryggja að fjarlægðartakmörk séu virt og vera einn að loota langt frá hinum í liðinu. Þeir munu reyna að lenda þyrlu, skjóta menn á kílómters færi eða reyna að skilja afhverju enginn hlýðir skipunum.

Útsendingin hefst klukkan átta í kvöld og má fylgjast með henni hér að neðan, á Stöð 2 eSport og Twitch.