Tveir leikmenn City með kórónuveiruna

Riyad Mahrez og Aymeric Laporte, leikmenn Manchester City, hafa greinst með kórónuveiruna.

Leikmennirnir eru nú í einangrun. Samkvæmt tilkynningu frá City eru þeir báðir einkennalausir.

Fyrsti leikur City í ensku úrvalsdeildinni gegn Wolves mánudaginn 21. september og því óljóst hvort Mahrez og Laporte verði með þar.

Laporte kom til City frá Athletic Bilbao í janúar 2018 og Mahrez frá Leicester City þá um sumarið.

City endaði í 2. sæti ensku úrvalsdeildarinnar á síðasta tímabili og var átján stigum á eftir Englandsmeisturum Liverpool.