Blússandi góðæri hjá íslenskum kaupmönnum Jakob Bjarnar skrifar 4. september 2020 09:00 Ekki er að sjá nein kreppumerki í búðum, þar er rífandi gangur og Íslendingar versla nánast eins og enginn sé morgundagurinn. „Já, það heyrist bara í þeim sem kvarta,“ segir Andrés Magnússon framkvæmdastjóri hjá Samtökum verslunar og þjónustu. Verslun gengur sem aldrei fyrr. Innanlandskortavelta í júlí var jafn mikil og í desember síðastliðnum. Sem er jafnan söluhæsti mánuðurinn í verslun. Andrés segir að þetta megi sjá í niðurstöðum Rannsóknarseturs verslunarinnar sem mælir sérstaklega kortaveltu frá mánuði til mánaðar og bera saman milli ára og ólíkra tímabila. Með öðrum orðum, verslun á Íslandi blómstrar sem aldrei fyrr. Brjálað að gera í búðum Blaðamaður Vísis gerði sér ferð í bæði Costco og Kringluna í gær og var þar múgur og margmenni, um miðjan virkan dag. Biðröð var í Costco og öll bílastæði full, bæði þar og í verslunarmiðstöðinni. Enginn er búmaður nema barmi sér en ekki gefur heyrst mikið í kaupmönnum landsins í því fári sem nú ríkir vegna Covid-19 og erfiðleikum ríkissjóðs og ýmissa atvinnugreina vegna ástandsins. En búðir og verslanir virðast margar hverjar fullar af viðskiptavinum. Andres Magnússon hjá Samtökum verslunar og þjónustu dregur ekki fjöður yfir það að allar aðstæður eru afar hagstæðar íslenskri verslun.Vísir/Baldur Hrafnkell Andrés segir að á þessu séu skýringar. „Við erum sem ferðamenn að eyða 150 til 200 milljörðum, eftir því hvernig er reiknað, í útlöndum. Sú eyðsla fer ekki fram í útlöndum nú af augljósum ástæðum.“ Allar aðstæður hagstæðar verslun Andrés segir kaupmátt háan og hafi sennilega aldrei verið eins hár á Íslandi og í dag. „Þó þessi vetur verði að öllu óbreyttu erfiður er staðan hjá fólki sem hefur örugga afkomu í því umhverfi sem við búum við; lágir vextir, lá verðbólga og hár kaupmáttur, umgjörðin sem verslunin þarf að hafa til að vel gangi,“ segir Andrés. Og sú umgjörð er til staðar. Þetta er stóra myndin. „Við höfum sagt blákalt frá því að Ísland opnaði aftur, slakað á þessum miklu hömlum sem voru um miðjan mars, strax eftir páska, að það hefur verið ágætis gangur í viðskiptum sem að okkur snúa.“ Hálfgerð Þorláksmessustemmning var í Costco í gær, um miðjan virkan dag var þar röð inn í búðina sem náði út á gangstétt. Enda er það svo að kortaveltan í júlí er á pari við þá sem var í desember í fyrra. Verslun gengur vel, sem aldrei fyrr en þó með þeirri undantekningu að þeir sem reka verslun sem höfðar einkum til erlendra ferðamanna gengur miður af augljósum ástæðum. Eins dauði annars brauð Er á meðan er? „Já,“ segir Andrés sem vill þó halda því til haga að það sé sannarlega kreppa og stór hópur fólks eigi í miklum erfiðleikum. Hann vill ekki draga neina fjöður yfir það. „En það er fjarri lagi að allt sé að fara til andskotans á Íslandi. Þetta færir okkur heim sanninn um það að allt umhverfið í kringum okkur er afar hagfellt. Fyrir launamanninn og verslunina þar með. Það er samasemmerki milli þess hvernig kaupmátturinn er í landinu og hvernig versluninni í landinu vegnar.“ Spurður segist Andrés aldrei vilja orða það svo að kórónuveirufaraldurinn sé happdrættisvinningur fyrir íslenska verslun. „En það er til málsháttur sem er eitthvað á þá leið að eins dauði sé annars brauð,“ segir Andrés. Efnahagsmál Faraldur kórónuveiru (COVID-19) Verslun Mest lesið Gervigreind og tíska: Hafa nú þegar fengið 100 milljónir í styrki Atvinnulíf „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Atvinnumissir: „Ég kunni nú ekki við að spyrja Jón beint“ Atvinnulíf Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira
„Já, það heyrist bara í þeim sem kvarta,“ segir Andrés Magnússon framkvæmdastjóri hjá Samtökum verslunar og þjónustu. Verslun gengur sem aldrei fyrr. Innanlandskortavelta í júlí var jafn mikil og í desember síðastliðnum. Sem er jafnan söluhæsti mánuðurinn í verslun. Andrés segir að þetta megi sjá í niðurstöðum Rannsóknarseturs verslunarinnar sem mælir sérstaklega kortaveltu frá mánuði til mánaðar og bera saman milli ára og ólíkra tímabila. Með öðrum orðum, verslun á Íslandi blómstrar sem aldrei fyrr. Brjálað að gera í búðum Blaðamaður Vísis gerði sér ferð í bæði Costco og Kringluna í gær og var þar múgur og margmenni, um miðjan virkan dag. Biðröð var í Costco og öll bílastæði full, bæði þar og í verslunarmiðstöðinni. Enginn er búmaður nema barmi sér en ekki gefur heyrst mikið í kaupmönnum landsins í því fári sem nú ríkir vegna Covid-19 og erfiðleikum ríkissjóðs og ýmissa atvinnugreina vegna ástandsins. En búðir og verslanir virðast margar hverjar fullar af viðskiptavinum. Andres Magnússon hjá Samtökum verslunar og þjónustu dregur ekki fjöður yfir það að allar aðstæður eru afar hagstæðar íslenskri verslun.Vísir/Baldur Hrafnkell Andrés segir að á þessu séu skýringar. „Við erum sem ferðamenn að eyða 150 til 200 milljörðum, eftir því hvernig er reiknað, í útlöndum. Sú eyðsla fer ekki fram í útlöndum nú af augljósum ástæðum.“ Allar aðstæður hagstæðar verslun Andrés segir kaupmátt háan og hafi sennilega aldrei verið eins hár á Íslandi og í dag. „Þó þessi vetur verði að öllu óbreyttu erfiður er staðan hjá fólki sem hefur örugga afkomu í því umhverfi sem við búum við; lágir vextir, lá verðbólga og hár kaupmáttur, umgjörðin sem verslunin þarf að hafa til að vel gangi,“ segir Andrés. Og sú umgjörð er til staðar. Þetta er stóra myndin. „Við höfum sagt blákalt frá því að Ísland opnaði aftur, slakað á þessum miklu hömlum sem voru um miðjan mars, strax eftir páska, að það hefur verið ágætis gangur í viðskiptum sem að okkur snúa.“ Hálfgerð Þorláksmessustemmning var í Costco í gær, um miðjan virkan dag var þar röð inn í búðina sem náði út á gangstétt. Enda er það svo að kortaveltan í júlí er á pari við þá sem var í desember í fyrra. Verslun gengur vel, sem aldrei fyrr en þó með þeirri undantekningu að þeir sem reka verslun sem höfðar einkum til erlendra ferðamanna gengur miður af augljósum ástæðum. Eins dauði annars brauð Er á meðan er? „Já,“ segir Andrés sem vill þó halda því til haga að það sé sannarlega kreppa og stór hópur fólks eigi í miklum erfiðleikum. Hann vill ekki draga neina fjöður yfir það. „En það er fjarri lagi að allt sé að fara til andskotans á Íslandi. Þetta færir okkur heim sanninn um það að allt umhverfið í kringum okkur er afar hagfellt. Fyrir launamanninn og verslunina þar með. Það er samasemmerki milli þess hvernig kaupmátturinn er í landinu og hvernig versluninni í landinu vegnar.“ Spurður segist Andrés aldrei vilja orða það svo að kórónuveirufaraldurinn sé happdrættisvinningur fyrir íslenska verslun. „En það er til málsháttur sem er eitthvað á þá leið að eins dauði sé annars brauð,“ segir Andrés.
Efnahagsmál Faraldur kórónuveiru (COVID-19) Verslun Mest lesið Gervigreind og tíska: Hafa nú þegar fengið 100 milljónir í styrki Atvinnulíf „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Atvinnumissir: „Ég kunni nú ekki við að spyrja Jón beint“ Atvinnulíf Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira