Fortnite er enn arðbærasti leikur heims Samúel Karl Ólason skrifar 2. janúar 2020 20:05 Frá heimsmeistaramótinu í Fortnite í sumar. EPA/JASON SZENES Þrátt fyrir að tekjur af leiknum Fortnite drógust saman um fjórðung á milli ára voru þær 1,8 milljarða dala í fyrra. Árið 2018 voru tekjurnar 2,4 milljarðar. Þetta kemur fram í greiningu fyrirtækisins SuperData, sem er í eigu Nielsen, um tölvuleikjamarkaðinn í fyrra. Heildartekjur geirans árið 2019 voru 109,4 milljarðar dala, sem er vöxtur um þrjú prósent á milli ára.Af þeim tekjum eru 80 prósent tilkomin vegna svokallaðra „Free-to-play“ leikja, þar sem spilarar kaupa ekki leikina, heldur kaupa vopn, brynjur og annars konar hluti í leikjunum sjálfum. Fortnite er einn þeirra leikja. Í skýrslu fyrirtækisins kemur fram að þrátt fyrir að færri spili Fortnite en League of Legends hefur Epic Games tekist að fá spilara til að eyða meiri peningum en framleiðendum annarra leikja hefur tekist. Það gera starfsmenn fyrirtækisins með stöðugum uppfærslum á leiknum og auknu samstarfi varðandi kynningar kvikmynda og annarra viðburða.Sjá einnig: Star Wars olli usla í FortniteNæst á eftir Fortnite eru leikirnir Dungeon Fighter Online frá Nexon, Honour of Kings frá Tencent, League of Legends og Candy Crush. Sala hefðbundinna tölvuleikja, ef svo má segja, dróst þó saman um fimm prósent á milli ára og var 18,9 milljarðar í fyrra. Sérfræðingar SuperData segja ástæðuna vera skort á útgáfum stórra og gífurlega vinsælla leikja. Mestar tekjur voru af FIFA 19, eða 786 milljónir dala, og í öðru sæti var Call of Duty: Modern Warfare, 645 milljónir. Búist er við því að næsta ár verði besta ár hefðbundinna leikja þar sem von er á nokkrum stórum leikjum eins og Cyberpunk 2077 og The Last of Us Part II. Þá er einnig von á að bæði Sony og Microsoft gefi út nýjar leikjatölvur fyrir næstu jól. Leikjavísir Mest lesið Enn fjölgar í Hraðfréttafjölskyldunni Lífið Keyrði frá Sauðárkróki í Garðabæ fyrir einn gítartíma Tónlist Léttir að geta loks rætt íslenskan leik opinberlega Leikjavísir Stjörnulífið: Sjóðheit og löng helgi Lífið 50+: Að eiga draumalista getur komið okkur skemmtilega á óvart Lífið Sly Stone er látinn Lífið Dekurbossinn Hjalti: „Mömmur eru einfaldlega bestar og mín var ein sú allra besta“ Áskorun Ísland í neðsta og næstneðsta sæti hjá Ísraelum Lífið Ferð þú til Ástralíu með Bondi Sands og KILROY? Lífið samstarf Máli Baldoni vísað frá Lífið Fleiri fréttir Léttir að geta loks rætt íslenskan leik opinberlega Myrkur Games birta fyrstu stiklu Echoes of the End Hvað í ósköpunum gerði James Bond á Íslandi? GameTíví: Taka dýfuna til að bjarga Ofurjörð GameTíví: Einhentir ræningjar í rugli GTA 6 velti Deadpool og Wolverine úr sessi Svífa um á bleiku skýi í GameTíví Oblivion Remastered: Nostalgían lifir góðu lífi Biðin langa: Rúmt ár í herlegheitin Sjá meira
Þrátt fyrir að tekjur af leiknum Fortnite drógust saman um fjórðung á milli ára voru þær 1,8 milljarða dala í fyrra. Árið 2018 voru tekjurnar 2,4 milljarðar. Þetta kemur fram í greiningu fyrirtækisins SuperData, sem er í eigu Nielsen, um tölvuleikjamarkaðinn í fyrra. Heildartekjur geirans árið 2019 voru 109,4 milljarðar dala, sem er vöxtur um þrjú prósent á milli ára.Af þeim tekjum eru 80 prósent tilkomin vegna svokallaðra „Free-to-play“ leikja, þar sem spilarar kaupa ekki leikina, heldur kaupa vopn, brynjur og annars konar hluti í leikjunum sjálfum. Fortnite er einn þeirra leikja. Í skýrslu fyrirtækisins kemur fram að þrátt fyrir að færri spili Fortnite en League of Legends hefur Epic Games tekist að fá spilara til að eyða meiri peningum en framleiðendum annarra leikja hefur tekist. Það gera starfsmenn fyrirtækisins með stöðugum uppfærslum á leiknum og auknu samstarfi varðandi kynningar kvikmynda og annarra viðburða.Sjá einnig: Star Wars olli usla í FortniteNæst á eftir Fortnite eru leikirnir Dungeon Fighter Online frá Nexon, Honour of Kings frá Tencent, League of Legends og Candy Crush. Sala hefðbundinna tölvuleikja, ef svo má segja, dróst þó saman um fimm prósent á milli ára og var 18,9 milljarðar í fyrra. Sérfræðingar SuperData segja ástæðuna vera skort á útgáfum stórra og gífurlega vinsælla leikja. Mestar tekjur voru af FIFA 19, eða 786 milljónir dala, og í öðru sæti var Call of Duty: Modern Warfare, 645 milljónir. Búist er við því að næsta ár verði besta ár hefðbundinna leikja þar sem von er á nokkrum stórum leikjum eins og Cyberpunk 2077 og The Last of Us Part II. Þá er einnig von á að bæði Sony og Microsoft gefi út nýjar leikjatölvur fyrir næstu jól.
Leikjavísir Mest lesið Enn fjölgar í Hraðfréttafjölskyldunni Lífið Keyrði frá Sauðárkróki í Garðabæ fyrir einn gítartíma Tónlist Léttir að geta loks rætt íslenskan leik opinberlega Leikjavísir Stjörnulífið: Sjóðheit og löng helgi Lífið 50+: Að eiga draumalista getur komið okkur skemmtilega á óvart Lífið Sly Stone er látinn Lífið Dekurbossinn Hjalti: „Mömmur eru einfaldlega bestar og mín var ein sú allra besta“ Áskorun Ísland í neðsta og næstneðsta sæti hjá Ísraelum Lífið Ferð þú til Ástralíu með Bondi Sands og KILROY? Lífið samstarf Máli Baldoni vísað frá Lífið Fleiri fréttir Léttir að geta loks rætt íslenskan leik opinberlega Myrkur Games birta fyrstu stiklu Echoes of the End Hvað í ósköpunum gerði James Bond á Íslandi? GameTíví: Taka dýfuna til að bjarga Ofurjörð GameTíví: Einhentir ræningjar í rugli GTA 6 velti Deadpool og Wolverine úr sessi Svífa um á bleiku skýi í GameTíví Oblivion Remastered: Nostalgían lifir góðu lífi Biðin langa: Rúmt ár í herlegheitin Sjá meira