McLaren Speedtail skilar 1055 hestöflum

McLaren virðist kunna að tímasetja stóru kynningarnar. Þegar flestir voru á þeytingi að redda síðustu jólagjöfinni þá kynnti McLanre ótrúlegar niðurstöður prófana á McLaren Speedtail. Hann nær yfir 400 km/klst.

Speedtail var fyrst kynntur í október 2018 en verður ef áætlanir ganga upp klár til afhendinga í febrúar á þessu ári. Hann á að leysa af hólmi hinn goðsagnakennda McLanre F1 ofurbíl. Speedtail verður framleiddur í 106 eintökum.

Speedtail er öflugasti götubíll sem hinn sögufræði framleiðandi McLaren hefur smíðað. Hann skilar 1055 hestöflum og er 13 sekúndur úr kyrrstöðu upp í 300 km/klst.

Lokaprófanir fóru fram á lendingabraut fyrir geimskutlur á Kennedy Space Center í Flórída. Í þeim prófunum fór Speedtail yfir 30 sinnum yfir 403 km/klst (250mílur/klst). Markmiðið var alltaf sett á 403 km/klst og það tókst heldur betur.

Bíllinn er tvinnbíll, hann býr yfir 4 lítra V8 vél með tveimur forþjöppum og hybrid kerfi sem gengur undir nafninu eMotor. Hann er með sjö gíra sjálfskiptingu.