Góð veiði í Miðfjarðará

Þessi fyrirsögn þarf ekkert að koma mikið á óvart enda er Miðfjarðará fyrir löngu búin að sanna sig sem ein besta sjálfbæra veiðiá landins.

Síðastu viku í uppfærðum veiðitölum á vefnum www.angling.is þá var veiðin síðustu viku 191 lax á 10 stangir og heildarveiðin í ánni komin í 920 laxa. Veiðin síðustu þrjár vikur hefur verið nokkðu stöðug í um 200 löxum á viku þrátt fyrir að úrhelli og flóð hafi gert veiðimönnum erfitt fyrir þegar rigning var sem mest. Það er mikið af laxi í ánni og nóg eftir af veiðitímanum. Síðsumarsveiðin er oft og iðulega drjúg sem getur þýtt að Miðfjarðará gæti alveg eins teygt sig langleiðina í 2.000 laxa og  flestir sem þekkja ánna vel og liggja yfir veiðitölum á landsvísu eru þegar farnir að hafa orð á því að það sé fátt sem geti komið í veg fyrir það að Miðfjarðará verði aflahæst sjálfbæru ánna þetta sumarið. 

Þeir sem eiga eftir að prófa að veiða í Miðfjarðará ættu að hafa samband við Rafn leigutaka því við heyrðum í honum fyrir stuttu og þá voru einhverjar örfáar stangir eftir í ágúst og september sem er frekar óvenjulegt en það er óhætt að segja að fyrir utan góða veiði í ánni er þetta klárlega ein fjölbreyttasta veiðiá landsins sem gefur reglulega stórlaxa og síðsumarið er jú eins og við vitum sá tími þegar stóru hængarnir fara á stjá.