Sjáðu hrakfarir David de Gea á Wembley í gær

David de Gea gerði sig sekan um tvö mistök er Manchester United tapaði 3-1 fyrir Chelsea í undanúrslitum enska bikarsins.

Spánverjinn hefur mikið verið gagnrýndur fyrir frammistöðu sína í ár og á síðustu leiktíð og ekkert lát var á því í gær.

Oliver Giroud kom Chelsea yfir í fyrri hálfleik er boltinn fór nánast í gegnum De Gea og ekki leit markvörðurinn betur út í öðru markinu er Mason Mount tvöfaldaði forystuna.

Harry Maguire skoraði svo sjálfsmark er stundarfjórðungur var eftir en Bruno Fernandes minnkaði muninn úr vítaspyrnu áður en yfir lauk.

Fyrstu tvö mörkin úr leik gærdagsins og mistök De Gea má sjá hér að neðan.