FÍT-verðlaunin 2020: Skjáir

Alls voru 440 verk innsend til FÍT-verðlaun­anna 2020. Innsend verk í keppnina hafa aldrei verið fleiri en úrslitin verða kynnt hér á Vísi næstu daga. Í flokknum Skjáir voru veitt gull- og silfurverðlaun í nokkrum undirflokkum. Þeir eru vefsvæði, gagnvirk miðlun, hreyfigrafík og að lokum opinn stafrænn flokkur. Lista yfir alla verðlaunahafa má finna hér neðar í fréttinni.

FÍT verðlaunahátíðin átti að fara fram í mars en vegna ástandsins í samfélaginu var ákveðið að tilkynna verðlaunahafana hér á Vísi og halda formlega afhendingu síðar. Næstu daga verða tilkynnt verðlaun í öllum 21 flokkunum og verður þessu skipt upp í fjórar tilkynningar. Á föstudaginn klukkan 09:00 verður svo tilkynnt hvaða gullverðlaunahafi hlýtur hin eftirsóttu aðalverðlaun FÍT. Verðlaunað verður það verk sem þykir eftirminnilegt og áhrifamikið í sínum flokki og góður fulltrúi fyrir sköpunargáfu Íslendinga í samkeppnum á alþjóðavísu.

Vefsvæði

Gullverðlaun

Ólafur Arnalds

Brjálæðislega flott notkun á letri sem hæfir vel viðfangsefninu. Samræming milli síðna er góð og smáatriðin eru óaðfinnanleg.

Hönnun: Arnar Ólafsson. Ueno.

Silfurverðlaun

Útmeða: Tían — Geðhjálp, Rauði kross íslands

Frumleg og góð uppsetning sem hæfir viðfangsefninu. Virkilega skemmtileg gagnvirkni.

Hönnun: Arnar Ólafsson. Ueno og Tjarnargatan. 

Silfurverðlaun

Mæna 10 — Listaháskóli Íslands

Frumlegt og óvænt, óhrætt við að brjóta reglur, góð leturnotkun og skemmtileg uppsetning. Ferskur „wow faktor“.

Hönnun: Atli Sigursveinsson, Björn Snær Löve, Kolbeinn Jara Hamíðsson, Margrét Aðalheiður Önnu Þorgeirsdóttir, Atli Elfar Helgason, Ívar Björnsson

Gagnvirk miðlun

Gullverðlaun

1238 — Baráttan um Ísland

Leikjavæðir söguna og nýtir til þess vel nýja og fjölbreytta tækni, góð lýsing á viðfangsefninu og áhugaverð miðlun á upplýsingum. Góð framsetning og fallega uppsett.

Hönnun: Högni Valur Högnason, Júlíus Valdimarsson, Kría Benediktsdóttir, Ragnheiður Sigurðardóttir, H:N Markaðssamskipti

Hreyfigrafik

Gullverðlaun

Heilabrot — Sagafilm

List mætir tækni - undirstrikar efnið mjög vel, sem heldur manni við efnið. Milliskiltin brjóta þáttinn vel upp, hreyfimyndin truflar ekki, letrið undirstrikar orðin/hugtökin, og maður missir ekki samhengið heldur bætir við. Góð hönnun.

Hönnun: Emil Ásgrímsson, &&&.

Gullverðlaun

Megavika Domino’s

Mjög vel unnið, frábært samræmi út í gegn og í takt við vörumerkið.

Hönnun: Hrafn Gunnarsson, Gunnhildur Karlsdóttir, Eyrún Eyjólfsdóttir, Þorvaldur Sævar Gunnarsson, Jón Páll Halldórsson, Brandenburg.

Opinn stafrænn

Gullverðlaun

Snjallheimil Nova

Frumlegt og skemmtilegt, virkilega vel gert, áhugavert og setur ný og hærri viðmið. Meiriháttar flott.

Hönnun: Arnar Ólafsson, Jeremy Woons, Ueno.

Silfurverðlaun

Þitt nafn bjargar lífi — Íslandsdeild Amnesty International

Einfalt og gott, útskýrir hugmyndina vel. Virkar fullkomlega fyrir þetta viðkvæma málefni og hreyfir við manni.

Hönnun: Elsa Nielsen, Alex Jónsson, Kontor Reykjavík.

Öll úrslit FÍT verðlaunanna 2020 verða tilkynnt hér á Vísi. Í gær var tilkynnt um flokkana Mörkun og Prent. Í dag klukkan 12 verður afhjúpað hverjir hljóta verðlaun í flokknum Auglýsingar en aðalverðlaun FÍT verða tilkynnt á morgun klukkan 09.