Liverpool vann málið og má skipta

Liverpool FC fagnar ekki bara sigri inn á vellinum heldur líka í réttarsalnum. Enska félagið hafði betur í máli sínu gegn New Balance.

Liverpool er að hætta að spila í New Balance og skiptir yfir í Nike.

Nike bauð Evrópumeisturunum risasamning og Liverpool ákvað að hætta hjá New Balance.

Forráðamenn New Balance voru ekki alveg sáttir og töldu sig hafa rétt á því að jafna tilboð Nike.

Liverpool taldi að New Balance gæti ekki boðið sama samning þegar litið er á markaðsmálin en þar nýtur Nike mikillar alþjóðlegrar velgengni.

Liverpool have won their legal battle with US company New Balance over a multimillion-pound sponsorship deal.

Full story: https://t.co/ZA39h1F2H2pic.twitter.com/MI5kW2N4wE

— BBC Sport (@BBCSport) October 25, 2019

Dómarinn var sammála því og benti meðal annars á það að Nike er með stórstjörnur eins og Serenu Williams og Lebron James og slíkt bjóði New Balance ekki upp á.

Samningurinn við New Balance rennur út í maí 2020 og nú er ekkert því til fyrirstöðu að Liverpool mæti í Nike búningum næsta haust.

Liverpool og Nike hafa gengið frá fimm ára samning og fær Liverpool 30 milljónir punda á ári eða 4,8 milljarða íslenskra króna.