Enski boltinn

Eriksen tjáði sig um sögusagnirnar um framhjáhald konu hans og Jan Vertonghen: „Kjaftæði“

Anton Ingi Leifsson skrifar
Christian Eriksen og Jan Vertonghen eru góðir vinir.
Christian Eriksen og Jan Vertonghen eru góðir vinir. vísir/getty
Christian Eriksen, miðjumaður Tottenham, var fljótur til á Twitter í gær eftir að sögusagnir um unnusta hans og Jan Vertonghen fóru um samskiptamiðilinn.

Sögusagnir fóru að grassera um vefinn um helgina að Jan Vertonghen hafi verið að halda við unnusta Danans og að allt væri á suðupunkti í herbúðum Tottenham.

Sá danski var hins vegar ekki lengi að slökkva niður í þessum sögusögnum er hann svaraði þeim á Twitter í gær.

„Kjaftæði,“ skrifaði Daninn er hann hengdi annað tíst með þar sem rætt var um atvikið. Því tísti hefur nú verið eytt.







Belginn Vertonghen svaraði þessu einnig og setti þrjá kalla ásamt hjarta handa samherja sínum í Tottenham-liðinu.







Tottenham fékk skell gegn Bayern Munchen í Meistaradeildinni á þriðjudagskvöldið er liðið tapaði 7-2 á heimavelli í Lundúnum.

Tottenham spilar við Brighton á útivelli um helgina.

Enski boltinn

Mest lesið


Fleiri fréttir

Sjá meira


×

Mest lesið