Pochettino staðfestir að Lloris hafi verið fluttur á sjúkrahús

Mauricio Pochettino, stjóri Tottenham, segir að meiðsli Hugo Lloris hafi haft mikil áhrif á Totteham-liðið sem fékk annan skellinn á sömu vikunni er liðið tapaði gegn Brighton í dag.

Hugo Lloris meiddist strax á þriðju mínútu eftir að Brighton skoraði fyrsta markið og Pochettino segir að það hafi haft mikil áhrif.

„Þetta var erfitt fyrir liðið. Á fyrstu augnablikunum fengum við á okkur mark og misstum markvörðinn okkar,“ sagði Pochettino strax í leikslok.

„Þetta var mjög neikvætt fyrir liðið. Tilfinningarnar voru miklar og við spiluðum ekki vel og erum vonsviknir með það. Brighton spilaði vel.“

"When we were on top we were all together, now it's important we stick together."

Mauricio Pochettino reacts to Spurs' defeat at Brighton and gives an update on Hugo Lloris...

@DesKellyBTSpic.twitter.com/AIfUlHxwM0

— Football on BT Sport (@btsportfootball) October 5, 2019

„Meiðsli Hugo Lloris höfðu mikil áhrif á leikinn og þetta var svo snemma í leiknum. Að fá á sig mark og að missa fyrirliðinn hafði mikil áhrif.“

„Hann er á sjúkrahúsi núna og það er ekkert meira um það að segja á þessum tímapunkti,“ sagði Argentínumaðurinn.

Hann þakkaði hins vegar stuðningsmönnum Tottenham fyrir stuðninginn.

„Ég vil þakka stuðningsmönnunum. Eftir fimm og hálft ár erum við í fyrsta skipti að lenda í vandræðum. Það er ekki góð tilfinning en við verðum að halda áfram að leggja hart að okkur og trúa á þetta.“

„Ég vona að pressan komi á mig en ekki leikmennina. Núna er tímapunkturinn til þess að vera sterkir. Við getum ekki vanmetið stöðuna en við þurfum að leggja á okkur,“ sagði stjórinn.