Lampard: Mun ekki sitja hér og tala niður Manchester United

Frank Lampard, stjóri Chelsea, segir að þrátt fyrir vandræði Manchester United síðustu vikur verði þeir erfiðir viðureignar er liðin mætast í Carabao-bikarnum í næsta mánuði.

Chelsea rúllaði yfir Grimsby í gær og í gær var svo dregið í fjórðu umferðina þar sem Chelsea dróst gegn Manchester United sem vann Rochdale í vítaspyrnukeppni í gærkvöldi.

„Ég var að horfa á vítaspyrnukeppnina. Þetta er stór dráttur og tvö stór lið. Ég er ánægður að við séum á heimavelli en við sjáum til,“ sagði Lampard eftir dráttinn.

Chelsea boss Frank Lampard believes home advantage could be crucial in his side's Carabao Cup fourth-round tie with Manchester United, but is wary of underestimating their out-of-form opponents.

— Sky Sports Football (@SkyFootball) September 26, 2019

„Ég held að það geti margt gerst á stuttum tíma. Næsta umferð kemur ekki á morgun en við verðum að virða það að þeir eru með góða leikmenn. Þeir unn okkur 4-0 svo ég mun ekki sitja hér og tala niður Manchester United.“

„Þetta verður erfiður leikur og það fallega við leikinn í gær er að við létum þetta líta út eins og þetta væri auðvelt en þessir leikir eru erfiðir. Man. Utd mun koma hingað með sterkt lið,“ sagði Lampard.