Everton óskar nýgiftum „Sigurdssons“ til hamingju

Gylfi Sigurðsson og Alexandra Helga Ívarsdóttir gengu í það heilaga á Ítalíu um helgina og hamingjuóskunum hefur rignt yfir þau.

Gylfi leikur með Everton á Englandi og bláklædda liðið í Bítlaborginni er eitt þeirra sem óskar Gylfa og Alexöndru til hamingju.

| Congratulations to the newly-wed Sigurdssons!  pic.twitter.com/pjr3z3yogL

— Everton (@Everton) June 18, 2019

Brúðkaupið var hið glæsilegasta á Como á Ítalíu en Gylfi mætir aftur til vinnu í júlímánuði er undirbúningstímabilið hjá Everton hefst.

Everton er vel með á nótunum því í fyrradag óskaði Everton einnig Íslendingum til hamingju með þjóðhátíðardaginn.